ირანში, სადაც უკვე მე-16 დღეა მასშტაბური ანტისამთავრობო დემონსტრაციები მიმდინარეობს, დაღუპულთა რიცხვი გაიზარდა.

აშშ-ში დაფუძნებულმა ორგანიზაციამ Human Rights Activists News Agency (HRANA) ბოლო განახლებაში განაცხადა, რომ ამ დროისთვის, სულ მცირე, 544 ადამიანის დაღუპვა დადასტურდა. 

ორგანიზაციის თანახმად, ათობით მოკლულის შესახებ ინფორმაცია ჯერ კიდევ არ არის დადასტურებული, შესაბამისად, მოსალოდნელია, რომ დაღუპულთა რიცხვი გაიზრდება.

HRANA-ს მონაცემებით, რეჟიმმა საპროტესტო აქციებზე 10 681-ზე მეტი დემონსტრანტი დააკავა.

უკვე მე-16 დღეა ირანში მასშტაბური ანტისამთავრობო დემონსტრაციები მიმდინარეობს.  დემონსტრაციები ქვეყნის მასშტაბით 585 ადგილას - 186 ქალაქსა და 31-ვე პროვინციაში იმართება.

საპროტესტო მოძრაობის დაწყება მზარდ ინფლაციასა და ეროვნული ვალუტის კოლაფსს მოჰყვა.

ქვეყნის მასშტაბით კვლავ გათიშულია ინტერნეტი - გავრცელებული ცნობებით, მიმდინარეობს სტარლინკის სატელიტური ინტერნეტის ჩახშობაც.

დღეს აშშ-ის პრეზიდენტმა დონალდ ტრამპმა თქვა, რომ ირანში საპროტესტო მოძრაობის მხარდაჭერასთან დაკავშირებით ძალიან სერიოზულ ვარიანტებს განიხილავს.

დონალდ ტრამპმა აღნიშნა, რომ ირანის რეჟიმი, როგორც ჩანს წითელი ხაზების გადაკვეთას იწყებს და აღნიშნა, რომ ვითარებას აშშ ძალიან სერიოზულად განიხილავს და გადაწყვეტილებას მიიღებს. 

ამასთან, დასძინა, რომ განიხილავს ირანში არეულობის ესკალაციაზე რეაგირების სხვადასხვა ვარიანტსაც, მათ შორის, შესაძლო სამხედრო ვარიანტებს.  

დონალდ ტრამპმა ასევე თქვა, რომ მილიარდერ ილონ მასკთან ირანში ინტერნეტის აღდგენის შესახებ საუბარს გეგმავს, რადგან, ირანის რეჟიმმა ანტისამთავრობო საპროტესტო აქციების ფონზე საკომუნიკაციო საშუალებები გათიშა.

ამასთან, დონალდ ტრამპმა თქვა, რომ მას ირანიდან მოლაპარაკებებისთვის დაუკავშირდნენ. 

"გუშინ დამირეკეს. ირანმა მოლაპარაკებისთვის დარეკა. ირანის ლიდერებს მოლაპარაკება სურთ. ვფიქრობ, ისინი დაიღალნენ ამერიკის შეერთებული შტატების მხრიდან დარტყმებით. ირანს ჩვენთან მოლაპარაკება სურს", - თქვა მან. 

ავტორი: ექსპრესნიუსი,

სოციალური ქსელები

საქართველოს ბანკის საგაზაფხულო შეთავაზებები

კალასი/კოსი: მთავრობის ქმედებებს შედეგები მოჰყვება, საქართველოს მხოლოდ კანდიდატის სახელი შერჩა

კალასი: ქართველებს ჩვენი მხარდაჭერა აქვთ, EU-ში რეპრესიების წარმომადგენლების ადგილი არაა

რუსეთს ბრალი დასდეს ირანისთვის აშშ-ის სამხედრო ძალებზე თავდასხმების განსახორციელებლად სადაზვერვო ინფორმაციის მიწოდებაში