აშშ-ის პრეზიდენტმა, დონალდ ტრამპმა განაცხადა, რომ შეერთებული შტატები ვენესუელას მართავს. ტრამპმა ისაუბრა ამერიკული სპეცდანიშნულების სამხედრო ოპერაციის შესახებაც, რომლის შედეგადაც ნიკოლას მადური დააკავეს.

„საოცარი იყო, რომ მხოლოდ რამდენიმე დაშავებული გვყავს, მაგრამ ყველა კარგ მდგომარეობაშია ახლა. ვიცოდი, რომ დიდი საშიშროება იყო“, – აღნიშნა დონალდ ტრამპმა.

შეერთებული შტატების პრეზიდენტს კითხვა დაუსვეს იმის შესახებაც, თუ ვინ უნდა მართოს ვენესუელა.

„ნუ მკითხავთ, ვინ მართავს, რადგან პასუხს გაგცემთ და ძალიან საკამათო იქნება. ეს ნიშნავს, რომ ჩვენ ვიქნებით მთავარი. ვენესუელა ახლა მკვდარი ქვეყანაა. ეს არის ქვეყანა, როგორიც, გულწრფელად, ჩვენ ვიქნებოდით, თუ არჩევნებში წავაგებდი, ჩვენ მკვდარი ქვეყანა ვიქნებოდით“, – განაცხადა ტრამპმა.

შეერთებული შტატების პრეზიდენტის თქმით, ამერიკული ნავთობკომპანიები შევლენ ვენესუელაში და აღადგენენ ქვეყნის ნავთობის ინფრასტრუქტურას. მისი თქმით, კომპანიები მზად არიან დიდი ინვესტიციების განსახორციელებლად, ხოლო თავად აშშ-ის მთავრობა ფინანსურად არ ჩაერევა ამ პროცესში.

„ჩვენ უბრალოდ ვიზრუნებთ ქვეყანაზე. ვიზრუნებთ ხალხზე, მათ შორის ვენესუელელებზე, რომლებიც ჩვენს ქვეყანაში ცხოვრობენ და იძულებული იყვნენ,დაეტოვებინათ თავიანთი ქვეყანა. დიახ, მათზე ძალიან კარგად იზრუნებენ“, – აღნიშნა შეერთებული შტატების პრეზიდენტმა.

ამასთან, დონალდ ტრამპმა აღნიშნა, რომ აშშ მეორე სამხედრო ოპერაციისთვისაც მზად იყო, თუმცა დასძინა, რომ, სავარაუდოდ, ამის საჭიროება აღარ იქნება.

ავტორი: ექსპრესნიუსი,

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული