ტელეკომპანია „ობიექტივის“ გადაცემაში „გაზეთ „ბანკები და ფინანსების საათი“ ექსპერტმა ეკონომიკის საკითხებში ნოდარ კაპანაძე  ჯანდაცვის სფეროში არსებულ საკანონმდებლო რეალობას შეეხო და აღნიშნა, რომ საკანონმდებლო რეალობა და ზე-ქვე პუნქტები მისთვის ნაკლებად საინტერესოა:

„ფარმაცევტის ოცნება არის ბევრი ქრონიკული ავადმყოფი, რომ მათ შეიძინონ ბევრი წამალი. სადაზღვევო კომპანიის, დამზღვევის ოცნება არის ბევრი ჯანმრთელი ადამიანი, რომ გადაიხადონ სადაზღვევო შენატანი და არ გახდნენ ავად.  ახლა ამიხსნას ვინმემ, ეს ორი „ცხოველი“ ერთ თავლაში როგორ აბია?! ყველაზე უფრო საინტერესო ამ შემთხვევაში ის არის, რომ იყო საუბარი ანტიმონოპოლიურ სამსახურზე და შეიქმნა კიდეც კონკურენციის სააგენტო, მაგრამ ეს სამსახური უნდა იყოს ძალიან მაღალი კლასის მათემატიკოსებით, ეკონომისტებითა და ფინანსისტებით დაკომპლექტებული, რომლებიც შეისწავლიან ფასწარმოქმნას. სხვა შემთხვევაში, საუბრები, რომ საქართველოში მედიკამენტები უსამართლოდ ძვირია, ან უსამართლოდ იაფი და ასე შემდეგ, მხოლოდ სუბიქტურ განცდებს ეფუძნება.

რეალურად კი რა ხდება – კონკურენციის სააგენტომ უარი თქვა ფარმეცევტული სექტორის შესწავლაზე და ეს უარი აიხსნა იმით, რომ თითქოს საამისო მიზეზები არ არსებობს. მე კი მგონია, რომ სააგენტოს უბრალოდ არ ძალუძს  ამის გაკეთება.  რატომ არ ძალუძს? მაშინ რას მიკეთებს კონკურენციის სააგენტო, ანტიმონოპოლიური სამსახური, თუ ამას ვერ აკეთებს. ჯერ ერთი, სამომხმარებლო ბაზარზე 30%-ზე მეტი თუ არის ერთი მოთამაშის ხვედრითი წილი, ეს არის ძალიან მაღალი რისკი და მონოპოლიური ფასების გამომწვევი ფაქტორი. თუ მხოლოდ რამდენიმე მოთამაშეა, მაშინ ძალიან დიდი რისკი კარტელური გარიგებების. ფასწარმოქმნის შესწავლა სულაც არ არის წარმოუდგენელი სირთულის ამოცანა, ამას საშუალო დონის სტატისტიკოსიც ძალიან კარგად შეძლებს“, – აცხადებს კაპანაძე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა