ევროპელი ოფიციალური პირები პირადად ელიან დადებით შედეგს აშშ-სა და უკრაინის პრეზიდენტებს შორის კვირას დაგეგმილ შეხვედრაზე, თუმცა არაპროგნოზირებადი სცენარებისთვის ემზადებიან.

ამის შესახებ, CNN-ი წერს.

ამერიკელი და ევროპელი ოფიციალური პირების ცნობით, რომლებთანაც CNN-მა ისაუბრა, ევროპელი ლიდერები კვირას ზელენსკის და ტრამპს შორის შეხვედრას არ დაესწრებიან.

არხის ევროპელმა თანამოსაუბრეებმა ასევე აღნიშნეს, რომ უკრაინელები უკვე რამდენიმე თვეა მოუწოდებენ უკრაინისა და აშშ-ის ლიდერებს შორის მოლაპარაკებებისკენ.

ევროპელები შეხვედრისგან დადებით შედეგს ელიან, რადგან ისინი აშშ-უკრაინის ურთიერთობების ამჟამინდელ დინამიკას პროდუქტიულად მიიჩნევენ, იუწყება CNN, თუმცა აღიარებენ, რომ ტრამპთან ნებისმიერი შეხვედრის შედეგი არაპროგნოზირებადია.

„ტრამპთან დაკავშირებით დაბალი რისკის სცენარები არ არსებობს“, - განუცხადა CNN-ს ნატოს ერთ-ერთმა წარმომადგენელმა.

არხის ამერიკელმა თანამოსაუბრეებმა იმედი გამოთქვეს, რომ ტრამპსა და ზელენსკის შორის შეხვედრა პროდუქტიული იქნება ამერიკელი და უკრაინელი მომლაპარაკებლების ერთკვირიანი ინტენსიური ძალისხმევის შემდეგ.

უკრაინის პრეზიდენტმა ვოლოდიმირ ზელენსკიმ გუშინ დაადასტურა, რომ კვირას, 28 დეკემბერს, თავის ამერიკელ კოლეგას დონალდ ტრამპს შეხვდება.

ავტორი: ექსპრესნიუსი,

სოციალური ქსელები

უკრაინის საჰაერო ძალებს არ მიუღიათ წინასწარი ინფორმაცია კიევის დაბომბვისას

ტრამპი ცდილობს, უკრაინა კაპიტულაციაზე აიძულოს, — The Atlantic

ფინეთმა ევროკავშირს შესთავაზა, რომ ომის დასრულებამდე რუსებისთვის ტურისტული ვიზების სრული აკრძალვა დაწესდეს

ნატომ პირობა დადო, რომ რუსეთის თავდასხმის შემთხვევაში, თავდამსხმელის ძალები სრულად განადგურდება