სრულიად საქართველოს კათოლიკოს-პატრიარქმა ილია მეორემ საკვირაო ქადაგებისას აღდგომის მოახლოებასა და უფალ იესო ქრისტეს ხელთუქმნელ ნათელზე ისაუბრა. უწმინდესმა  მრევლს ბედნიერი ადგომის გათენება უსურვა:

"ნათელი ქრსიტესი არის ისეთივე ხელთუქმნელი, დაუსაბამო, როგრც თვით უფალია.  ფერიცვალების დროს, მისი სახე ბრწყინავდა და სამოსელი ელვარებდა. ლოცვაშიც წერია, რომ უფალმა აჩვენა მოციქულებს თავისი დიდება, არა სრულყოფილი დიდება, არამედ ის დიდება, რამდენადაც შეეძლოთ, დაენახათ მოციქულებს. მთელი ნათება რომ ეჩვენებინა, მოციქულები ვერ აიტანდნენ.
თქვენ იცით, რომ მოსე წინასწარმეტყველი, როცა მთაზე ავიდა და მას მიეცა ათი მცნება, რომ ჩამოვიდა, მისი სახე ანათებდა ამ ღვთაებრივი ნათელით. იმდენად დიდი იყო ეს ნათება, რომ იძულებული გახდა, შესამოსელი გადაეფარა პირსახეზე.
როცა იერუსალიმში აღდგომის წინ ღვთაებრივი ცეცხლი გადმოდის, ეს არ არის ჩვეულებრივი ცეცხლი, ეს არის ნათელი იმ ნათელისა, რომელიც ახლავს უფალს. ღმერთმა ინებოს, რომ შევძლოთ განწმენდა ჩვენი სულისა, გულისა, გონებისა, ბიწისაგან ცოდვებისა, რომ ნათელმან ქრისტესმა დაიმკვიდროს ჩვენ შორის. დალოცვილი და გახარებული იყავით, ღმერთმა ინებოს, ყოველი ჩვენგანი იყოს მატარებელი მცირედი მაინც ღვთაებრივი ნათელისა.  სულ მალე იქნება ბრწყინვალე აღდგომა. ბედნიერი აღდგომა გაგითენოთ თქვენ და მთელს მსოფლიოს", - ბრძანა პატრიარქმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა