ქართული ოცნების ჯანდაცვის მინისტრი მიხეილ სარჯველაძე ამბობს, რომ შინაგან საქმეთა სამინისტრო "მოქმედებდა კანონის სრული დაცვით, როდესაც აქციის დასაშლელად იყენებდა ამ საშუალებებს".

"კანონსაწინააღმდეგო აქციის დროს პოლიციას უკლებლივ ყველა ნორმალურ ქვეყანაში აქვს უფლება გამოყიენოს სხვადასხვა საპოლიციო საშუალება, მათ შორის ისეთი, რომელიც იწვევს რესპირატორული სისტემის გაღიზიანებას, ცრემლდენას.

პოლიციას ნებისმიერ ნორმალურ, ცივილიზებულ, სამართლებრივ სახელმწიფოში აქვთ ასეთი ძალების გამოყენების უფლება. მათ შორისაა ცრემლსადენი გაზი, წყლის ჭავლი და ა.შ. ის, რომ პიროტექნიკასაც აქვს მავნე თვისებები, ესეც უნდა ვთქვათ. ამ მასშტაბით ამდენი პიროტექნიკის გამოყენებას რა შეეძლო გამოეწვია ადამიანებისთვის, ესეც ნახეთ უბრალოდ...მჯერა და მგონია, რომ შსს მოქმედებდა კანონის მოთხოვნათა სრული დაცვით, როდესაც იყენებდა ამ საშუალებებს"- თქვა სარჯველაძემ.

სარჯველაძე ამ თემას "ცოტა იაფფასიან მცდელობებს უწოდებს". მისივე მტკიცებით, "უსაფუძვლოდ ატეხილი აჟიოტაჟია, თითქოს ქიმიურ მოწამვლასთან გვქონდა საქმე".

"მგონი ამ დღეების განმავლობაში აშკარად ცოტა იაფფასიან მცდელობებს აქვს ადგილი, რომ ვინმე შეცდომაში შეიყვანონ და დროებით ისეთი ილუზია შექმნან, რომ თითქოს რაღაც ისეთი მოხდა თბილისში აქციების დროს, რომელიც თითქოს რაიმე სამართალდარღვევას შეიცავდა. ამის ილუზიის შექმნის მცდელობა აშკარაა და ეს ყველაფერი ძალიან იაფფასიანია. ეს ძალიან კარგად გამოჩნდა ამ კვალიფიციური ექიმების მიერ გაკეთებული შეფასებებითაც, შეიარაღებული თვალითაც ძალიან მარტივად ჩანს, რომ რეალურად, როდესაც ბიბისიმ ეს გამოაქვეყნა და შორს მიმავალი შეფასებები გააკეთა და ამას პოლიტიკოსები ეყრდნობიან, თურმე ბიბისი ვისაც ეყრდნობოდა თავის მხრივ, აღმოჩნდა, რომ მათ ისეთი რამ არ უთქვამს, რაც მათ მიაწერეს და თითქოს ბიბისიმ ამაზე დაყრდნობით გააჟღერა.

ამიტომ, ასეთი მცდარი, არასწორი უსაფუძვლო დასკვნებისგან ყველამ თავი უნდა შეიკავოს და უფრო მეტის, ადამიანები თავშეკავებული უნდა იყვნენ, როდესაც ბრალდებებს აყენებენ, ადამიანებს, როდესაც ეუბნებიან, რომ თითქოს ვინმემ ვინმე მოწამლა... მაღალკვალიფიცური ექიმების დასკვნებითაც დასტურდება და პრინციპში, ელემენტარული ლოგიკაც კი კმარა იმის სათქმელად, რომ უსაფუძვლოდ ატეხილი აჟიოტაჟია, თითქოს ქიმიურ მოწამვლასთან გვქონდა საქმე. ნივთიერება, რომელზეც ადამიანებს ეუბნებით, რომ გამოიყენეს, წყალში საერთოდ არც ზავდება - ეს ელემენტარული ქიმიაა. ვიდრე ადამიანებს ეტყვით, თითქოს ისინი კონკრეტული ნივთიერებით მოწამლეს, მეტი პასუხისმგებლობაა საჭირო"- თქვა სარჯველაძემ. 

BBC ვრცელ სტატიას აქვეყნებს, რომელშიც წერია, რომ მათ მიერ მოპოვებული მტკიცებულებები მიუთითებს, რომ გასულ წელს საქართველოს ხელისუფლებამ ანტისახელისუფლებო დემონსტრაციების დასაშლელად პირველი მსოფლიო ომის დროინდელი ქიმიური ნივთიერება გამოიყენა.

BBC-ის თანახმად, მათმა სამსახურმა ისაუბრა ქიმიური იარაღის ექსპერტებთან, საქართველოს საპოლიციო სპეცრაზმის ინფორმატორებთან და ექიმებთან და აღმოაჩინა, რომ არსებული მტკიცებულებები მიუთითებს ნივთიერების გამოყენებაზე, რომელსაც ფრანგული სამხედრო უწყება "კამიტეს" უწოდებდა - ეს ნივთიერება ბრომობენზილ ციანიდია, რომელიც მოკავშირეებმა პირველ მსოფლიო ომში გამოსაყენებლად შექმნეს. 

ავტორი: ექსპრესნიუსი,

სოციალური ქსელები

ლევან მახაშვილი -ბრიუსელის ბიუროკრატია დინების წინააღმდეგ ცურავს

თორნიკე ფაღავა: საქართველოს აქვს თავისი დამოუკიდებელი, მშვიდობიანი, სუვერენული, ევროინტეგრაციის გზა და სტრატეგიული ხედვა

ლაშა ფარულავა – საპროცესო შეთანხმება არის ერთადერთი გზა, ჩვენმა თანამებრძოლებმა პოლიტიკურ ტყვეობას დააღწიონ თავი, ამიტომ არაფერი დასაძრახი არ არის

გიგა ფარულავა – ციხეში რჩებიან მოქალაქეები, რომლებიც ლიდერებმა 4 ოქტომბერს შეცდომაში შეიყვანეს, კეთილი ინებონ და აუხსნან, როგორ აპირებენ მათ დახმარებას