დიდი ბრიტანეთის სახელმწიფო მინისტრი ჯენიფერ ჩაპმანი ამბობს, რომ დიდი ბრიტანეთი კვლავ შეშფოთებულია საქართველოში დემოკრატიული უკუსვლით, მათ შორის სიტყვის გამოხატვის თავისუფლების შეზღუდვითა და პროტესტის პოლიციური კონტროლით.

ასე უპასუხა მან ორი კვირის წინ ლორთა პალატის წევრის მიერ საქართველოსთან დაკავშირებით დასმულ კითხვას, თუ რა კეთდებოდა საქართველოში კანონის უზენაესობისა და გამოხატვის თავისუფლების დასაცავად.

ის ამბობს, რომ ევროპის საკითხებში დიდი ბრიტანეთის მინისტრმა სტივენ დოუთმა, მათ შორის სიტყვის გამოხატვის თავისუფლების შეზღუდვა ქართული ოცნების საგარეო საქმეთა მინისტრთან და მის მოადგილესთან შეხვედრებზე განიხილა - აღსანიშნავია, რომ ამ შეხვედრების შესახებ ქართული ოცნების საგარეო საქმეთა სამინისტროს ინფორმაცია არ გაუვრცელებია.

პასუხში ჯენიფერ ჩაპმანი მაკა ბოჭორიშვილსა და მის მოადგილე გიორგი ზურაბიშვილს - ქართული ოცნების საგარეო მინისტრად და მოადგილედ მოიხსენიებს.

"ჩვენ კვლავ სერიოზულად შეშფოთებულები ვართ საქართველოში დემოკრატიული უკუსვლით, მათ შორის სიტყვის გამოხატვის თავისუფლების შეზღუდვითა და პროტესტის პოლიციური კონტროლით. ევროპის და ჩრდილოეთ ამერიკის საკითხებში სახელმწიფო მინისტრმა ეს საკითხები პირდაპირ დააყენა ქართული ოცნების საგარეო საქმეთა მინისტრ მაკა ბოჭორიშვილთან 16 ოქტომბერს, ასევე, ქართული ოცნების საგარეო საქმეთა მინისტრის პირველ მოადგილესთან გიორგი ზურაბიშვილთან 21 ოქტომბერს [შეხვედრაზე]. გარდა ამისა, დიდი ბრიტანეთი მხარს უჭერს ეუთო-სა და ევროსაბჭოს მანდატის ფარგლებში ღონისძიებების გამოყენებას, რათა საქართველოზე მოხდეს ზეწოლა, დაიცვას დემოკრატიული ნორმები", - ამბობს ის. 

ავტორი: ექსპრესნიუსი,

სოციალური ქსელები

ელდარ (ლუკა) კურტანიძეს სასამართლომ 7-თვიანი თავისუფლების აღკვეთა მიუსაჯა

„ქართული ოცნების“ პროპაგანდისტული ეკოსისტემის კოორდინირებული კამპანია BBC-ის გამოძიების წინააღმდეგ

ევროკავშირი და დიდი შვიდეული რუსული ნავთობის საზღვაო ტრანსპორტირების სრულ აკრძალვას ამზადებენ.

ხოშტარია: რეჟიმმა ჩუმად მოწამლა საკუთარი ხალხი და ახლა თავის გადარჩენით არის დაკავებული