საქართველოს საგარეო საქმეთა მინისტრი, მაკა ბოჭორიშვილი, განმარტავს, რომ საქართველოს ხელისუფლება ლეგიტიმურად არის არჩეული ქართველი ხალხის მიერ, რომელიც მხარს უჭერს ქვეყნის ევროპულ პერსპექტივას. მინისტრის თქმით, ევროკავშირში გაწევრიანება არის გრძელი პროცესი, რომელიც ვერ განხორციელდება მხოლოდ პოლიტიკური განცხადებებით ან ერთი კონკრეტული პირის მხარდაჭერით.

„საქართველოს ხელისუფლება არჩეულია ხალხის მიერ. როდესაც მარტა კოსი ან კაია კალასი ამბობს, რომ ისინი მხარს უჭერენ ჩვენი საზოგადოების, ჩვენი ხალხის ევროპულ პერსპექტივას და სურთ ეს ქვეყანა ევროკავშირში, და მერე ამ ხალხის მიერ არჩეულ ხელისუფლებას უწუნებენ კურსს ან ქმედებებს." - აღნიშნა მინისტრმა.

მაკა ბოჭორიშვილი ხაზს უსვამს, რომ ქართველი ხალხი, რომლის 85%-ს სურს საქართველოს ევროკავშირში გაწევრიანება, სწორედ ამ ხელისუფლებას ანდობს ქვეყნის განვითარების გზას.

„ხალხმა აირჩია ეს ხელისუფლება. ეს ის ხალხია, რომლის 85%-ს ეს ქვეყანა ევროკავშირში უნდა რომ ნახოს. მეც მათ შორის ვარ, მათ შორის ვართ ბევრი ჩვენგანი. ჩვენ გვინდა ევროკავშირში ვნახოთ ჩვენი ქვეყანა და ამ გზას ქართველი ამომრჩეველი ანდობს ქართულ ოცნებას." - განაცხადა მინისტრმა.

მინისტრის შეფასებით, ევროკავშირში გაწევრიანება ვერ მოხდება მხოლოდ ერთი კანონით ან ერთი სტანდარტის შემოღებით.

„ეს ხომ გრძელი პროცესია, ვერც პოლიტიკური განცხადებებით ვერ მოხდება მხოლოდ ევროკავშირში გაწევრიანება, ვერც მარტა კოსის განცხადება გააწევრიანებს საქართველოს  ევროკავშირში და ვერც ამ პროცესს ვერ შეაჩერებს. ჩვენ ჩვენი გასაკეთებელი გვაქვს, და თუკი მათ მართლა სურთ რომ საქართველო ევროკავშირში იხილონ, ბუნებრივია, ისინი უნდა დასხდნენ საქართველოს ხელისუფლებასთან და ესაუბრონ ამაზე საქართველოს ხელისუფლებას." - განაცხადა მინისტრმა.

„ჩვენმა საზოგადოებამ უნდა იცოდეს, პირველ რიგში, რა არის ის წინაპირობები, რა წინაპირობებსაც უყენებს ბრიუსელი ჩვენს ქვეყანას იმისათვის, რომ ევროკავშირის წევრი გახდეს. ჩვენი საზოგადოების გადასაწყვეტი უნდა იყოს, ეს პირობები მისაღებია თუ არა, ჩვენი საზოგადოება ამ ეტაპზე ამ გზას და ქვეყნის განვითარების გზას ანდობს ქართულ ოცნებას." - აღნიშნა მინისტრმა.

„შესაბამისად, ყველა სხვა დანარჩენი, ვინც გარეთ მოქმედებს, ვალდებულნი არიან, რომ სწორედ ამ ხალხის მიერ არჩეულ ხელისუფლებას ესაუბრონ იმ საკითხზე, როდესაც ვსაუბრობთ ჩვენ ევროკავშირში გაწევრიანებაზე." - განაცხადა მინისტრმა.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს