აშშ-ისა და უკრაინის წარმომადგენლები ჟენევაში 28-პუნქტიანი სამშვიდობო გეგმის განსახილველად გამართული შეხვედრისა და დისკუსიების შემდეგ ერთობლივ განცხადებას აქვეყნებენ, რომელიც უკრაინის პრეზიდენტის ადმინისტრაციის ვებ-გვერდზე გამოქვეყნდა.

განცხადების თანახმად, ქვეყნებმა განახლებული და დახვეწილი სამშვიდობო ჩარჩო შეიმუშავეს.

ერთობლივ განცხადებაში ვკითხულობთ, რომ მოლაპარაკებები იყო - "კონსტრუქციული, ფოკუსირებული და პატივისცემით სავსე, რაც ხაზს უსვადა სამართლიანი და მდგრადი მშვიდობის მიღწევისადმი საერთო ერთგულებას".

"დისკუსიებმა აჩვენა მნიშვნელოვანი პროგრესი პოზიციების შეჯერებისა და შემდეგი ნაბიჯების მკაფიო განსაზღვრის მიმართულებით", - აღნიშნულია განცხადებაში. 

განცხადებაში ასევე ვკითხულობთ, რომ ამერიკული და უკრაინული მხარე უახლოეს დღეებში ერთობლივ წინადადებაზე ინტენსიურ მუშაობას განაგრძობს, მათ შორის - მჭიდრო კონტაქტში დარჩებიან ევროპელ პარტნიორებთან პროცესის წინსვლასთან ერთად.

შეხვედრებში მონაწილეობენ აშშ-ის, უკრაინის, გერმანიის, საფრანგეთის, დიდი ბრიტანეთის, ევროკავშირის და იტალიის წარმომადგენლები.

ამერიკის დელეგაციას სახელმწიფო მდივანი მარკო რუბიო, არმიის მდივანი დენ დრისკოლი და პრეზიდენტის სპეციალური წარმომადგენელი სტივ უიტკოფი ხელმძღვანელობდენ, უკრაინის მხრიდან კი დელეგაციას ანდრეი ერმაკი უძღვებოდა.

Axios-მა გამოაქვეყნა ტრამპის 28-პუნქტიანი გეგმა, რომელიც მოიცავს უკრაინის ტერიტორიების დათმობას, ფრონტის ხაზის გაყინვას, არმიის შემცირებას და რუსული ენისთვის სახელმწიფო სტატუსის მინიჭებას. ზელენსკი აცხადებს, რომ ტერიტორიების დათმობა გამორიცხულია და კიევი აშშ-სთან მუშაობას გეგმავს, რათა შეთანხმებაში უკრაინის ეროვნული ინტერესები სრულად იქნას დაცული.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს