სოფლის მეურნეობის მინისტრის ოთარ დანელიას ინფორმაციით, აგროდაზღვევის სახელმწიფო პროექტისთვის 9 მილიონი ლარია გამოყოფილი.

ამის შესახებ დანელიამ ჟურნალისტებს მთავრობის სხდომის დასრულების  შემდეგ განუცხადა.

 თუმცა, მინისტრი ვარაუდობს, რომ აღნიშნული თანხის სრულად ათვისება საჭირო არ იქნება და თანხები სხვა აგრარული მიმართულებით გადანაწილდება.

 „2014 წლის სექტემებრს აგროდაზღვევის საპილოტე პროექტი დავიწყეთ. მიუხედავად იმისა, რომ თავდაპირველად 1 წლიანი საპილოტე ვადა იყო დადგენილი, სამ თვეში შევაჩერეთ პილოტირება და დავიწყეთ სახელმწიფო პროექტი, ვინაიდან მან მიიღო სრულფასოვანი ფორმა.

პროცესში ჩართულები იყვნენ ექსპერტები სხვადასხვა ქვეყნებიდან და დონორი ორგანიზაციებიდან, გასული პერიოდის ანალიზი გაკეთდა, ასევე შესაბამისი კორექტირებები. მიმდინარე წელს უბრალოდ განახლებული და გაუმჯობესებული ვარიანტია. მე განსაკუთრებით გამოვყოფ ერთ პარამეტრს, ეს გახლავთ დამატებით წახალისება რეგისტრირებულ მიწის ნაკვეთებზე, პირობითად, თუ სახელმწიფოს მხრიდან არის თანადაფინანსების 60%-იანი განაკვეთი, იმ შემთხვევაში თუ მიწა დარეგისტრირებულია, 10 % -ზე მეტს დაუფინანსებს სახელმწიფო“, - განაცხადა  ოთარ დანელიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს