საზღვაო ტრანსპორტის სააგენტოს ყოფილი ხელმძღვანელი ალექსი ახვლედიანი ადასტურებს, რომ თორნიკე რიჟვაძე გერმანიაში გაემგზავრა, თუმცა ამბობს, რომ ის თვალზე ოპერაციის გასაკეთებლად არის წასული და საცხოვრებლად არ გადასულა.

რაც შეეხება თავშესაფრის მიღებას, TV პირველთან საუბრისას ის ამბობს, რომ "[თავშესაფართან დაკავშირებით] მსგავსი არაფერი სმენია".

"თვალის ერთი ოპერაცია ხომ გაიკეთა, მეორე ოპერაციასთან დაკავშირებით წავიდნენ გერმანიაში, საცხოვრებლად არავინ გადასულა. თვალის პრობლემაა ისევ და ამიტომ წავიდნენ სხვა კლინიკაში, გერმანიაში. მხედველობა არ დაუკარგავს, მაგრამ პრობლემები აქვს, პირველი ოპერაციის შემდეგ კვლავ ჩაუდგა სითხე და ესაჭიროება დამატებითი მკურნალობა. პირველი ოპერაციის შემდეგ დარწმუნებულები ვიყავით, რომ კარგად ჩაივლიდა, აღარ ჩაუდგებოდა სითხე, სამწუხაროდ, მაინც ჩაუდგა და დამატებითი მკურნალობისთვის გადავიდა გერმანიაში", - ამბობს ის.

ჟურნალისტის კითხვას, აპირებს თუ არა თორნიკე რიჟვაძე ქვეყანაში დაბრუნებას და ჩვენების მიცემას, ის ასე პასუხობს:

"რა თქმა უნდა, რატომ არ უნდა ჩამოვიდეს, რა პრობლემაა", - ამბობს ალექსი ახვლედიანი.

აჭარა თაიმსმა გუშინ, 16 ნოემბერს გაავრცელა ინფორმაცია, რომლის თანახმადაც, აჭარის მთავრობის ყოფილი თავმჯდომარე თორნიკე რიჟვაძე მშობლებთან, მეუღლესთან და შვილებთან ერთად გერმანიაში გადავიდა. 

თორნიკე რიჟვაძე 7 ივლისის შემდეგ საჯაროდ არ გამოჩენილა. აღნიშნულ დღეს ის სავარაუდოდ თვითმკვლელობის მცდელობის გამო კლინიკაში მოხვდა. მომხდარიდან მეორე დღეს თორნიკე რიჟვაძე სამკურნალოდ თურქეთში გადაიყვანეს, სადაც სამი თვის განმავლობაში იმყოფებოდა.

გამოძიების ფარგლებში ჩატარებული ექსპერტიზის თანახმად, მის ტანსაცმელში ნაპოვნი წერილი თავად თორნიკე რიჟვაძეს ეკუთვნის, სადაც ის შესაძლო ზეწოლაზე საუბრობს.

ამავე საქმეზე ბრალდებულია მისი მეგობარი, ალექსი ახვლედიანი, რომლის სახლშიც ინციდენტი მოხდა. გამოძიების მიხედვით, სწორედ მისი იარაღიდან გასროლილი ტყვიით დაიჭრა ყოფილი მაღალჩინოსანი. ახვლედიანს იარაღის შენახვის წესების დარღვევაში ედება ბრალი.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს