ეუთო/ოდირი ოცნებას გამოხატვის თავისუფლების შემზღუდველი კანონების გაუქმებისკენ მოუწოდებს.

12 ნოემბრით დათარიღებულ ანგარიშში ეუთო/ოდირი წერს, რომ 2025 წლის ოქტომბერში მიღებული ცვლილებები საერთაშორისო სამართლით გათვალისწინებულ გამოხატვის თავისუფლების უფლებას არღვევს.

ანგარიშში ნათქვამია, რომ შეკრებების დროს ჩადენილ არაძალადობრივ დარღვევებზე არაპროპორციულად გამკაცრებული სასჯელები გაეროს სამოქალაქო და პოლიტიკურ უფლებათა პაქტის მე-9, მე-19 21-ე და ადამიანის უფლებათა ევროპული კონვენციის (ECHR) მე-5, მე-10, მე-11 და მე-18 მუხლებს ეწინააღმდეგება.

ანგარიში ხაზს უსვამს იმ ფაქტს, რომ ცვლილებების მიხედვით, კონკრეტულ არაძალადობრივი დანაშაულების, როგორიცაა სახის ნიღბით დაფარვა, გზის გადაკეტვა და ა.შ. სასჯელის ზომად მხოლოდ ადმინისტრაციული პატიმრობაა გათვალისწინებული, რაც საერთაშორისო სამართალას ეწინააღმდეგება.

ეუთო/ოდირი ასევე წერს, რომ მსგავსი არაძალადობრივი დარღვევის განმეორებით ჩადენის შემთხვევაში არასრულწლოვნების მიმართ გათვალისწინებული 1 -წლიანი სასჯელი ეწინააღმდეგება საქართველოს მიერ ნაკისრ საერთაშორისო ვალდებულებებს, რომლის მიხედვითაც არასრულწლოვნის მიმართ თავისუფლების აღკვეთის ზომა მხოლოდ უკიდუეს შემთხვევებში უნდა გამოიყენებოდეს.

გარდა ამისა, ანგარიშის მიხედვით, ცვლილებები ხშირად ბუნდოვანი ენით ხასიათდება, რაც მოქალაქეების მიმართ არაპროპორციული სასჯელის გამოყენების რისკებს კიდევ უფრო ზრდის.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს