Reuters რამდენიმე წყაროზე დაყრდნობით წერს, რომ ჩინეთის სახელმწიფო ნავთობკომპანიებმა შეაჩერეს საზღვაო გზით რუსული ნავთობის შესყიდვა მას შემდეგ, რაც აშშ-მა სანქციები დაუწესა რუსეთის ორ უმსხვილეს ნავთობკომპანიას - როსნეფთსა და ლუკოილს.

წყაროების თანახმად, ჩინეთის ეროვნული ნავთობკომპანიები – PetroChina, Sinopec-ი, CNOOC-ი და Zhenhua Oil-ი სანქციებთან დაკავშირებული შეშფოთების გამო უახლოეს მომავალში თავს შეიკავებენ საზღვაო გზით რუსული ნავთობით ვაჭრობისგან.

Reuters წერს, რომ ეს ნაბიჯი მას შემდეგ გადაიდგა, რაც ინდოეთის, საზღვაო გზით რუსული ნავთობის უმსხვილესი მყიდველის, ნავთობგადამამუშავებელი ქარხნები მოსკოვიდან ნედლი ნავთობის იმპორტის მკვეთრად შემცირებას გეგმავენ, რათა შესაბამისობაში იყვნენ აშშ-ის მიერ უკრაინაში რუსეთის შეჭრის გამო დაწესებულ სანქციებთან.

Reuters აღნიშნავს, რომ ჩინეთი ზღვით დღეში დაახლოებით 1.4 მილიონი ბარელი რუსული ნავთობის იმპორტს ახორციელებს, თუმცა მიუთითებს, რომ მიუხედავად ამისა, ამ მოცემულობის უმეტეს ნაწილს დამოუკიდებელი გადამამუმშავებელი კომპანიები ყიდულობენ, მათ შორის, მცირე ზომის ოპერატორები.

ამასთან, Reuters-ს ორმა წყარომ განუცხადა, რომ Unipec-მა, რომელიც Sinopec-ის შვილობილი კომპანიაა უკვე შეწყვიტა რუსული ნავთობის შესყიდვა გასულ კვირას, მას შემდეგ, რაც როსნეფტსა და ლუკოილს დიდმა ბრიტანეთმა დაუწესა სანქციები.

ექსპერტების შეფასებით, დამოუკიდებელი ნავთობგადამამუშავებელი კომპანიები, სავარაუდოდ, შესყიდვებს სანქციების ზემოქმედების შესაფასებლად შეაჩერებენ, თუმცა რუსული ნავთობის შესყიდვის გაგრძელებას მაინც შეეცდებიან.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს