მაროკოში ახალგაზრდების მასობრივი საპროტესტო აქციები, რომლებიც უკვე მეხუთე ღამეა გრძელდება, ძალადობასა და სამართალდამცავებთან შეტაკებებში გადაიზარდა. - იუწყება "ალ-ჯაზირა ქვეყნის შინაგან საქმეთა სამინისტროს ცნობით, 400-ზე მეტი ადამიანი დააკავეს, ხოლო 263 დაცვის თანამშრომელი და 23 მშვიდობიანი მოქალაქე დაშავდა.

პროტესტი ჯანდაცვისა და განათლების ხარისხით მზარდი უკმაყოფილების ფონზე დაიწყო, განსაკუთრებით 2030 წლის მსოფლიო ჩემპიონატისთვის მზადებაში მილიარდობით დოლარის ინვესტიციის შემდეგ. ახალგაზრდები ქუჩებში გამოდიან ისეთი სლოგანებით, როგორიცაა „ჩვენ გვაქვს სტადიონები, მაგრამ სად არის საავადმყოფოები?“, და ხელისუფლებას სოციალური პრობლემების იგნორირებაში ადანაშაულებენ.

დემონსტრაციებს ონლაინ რეჟიმში აწყობს არაფორმალური ჯგუფი GenZ 212 სოციალური მედიის პლატფორმების TikTok, Instagram და Discord-ის მეშვეობით. მიუხედავად იმისა, რომ თავად ორგანიზატორები ხაზს უსვამენ თავიანთ მშვიდობიან პოზიციას და უარყოფენ ძალადობასთან რაიმე კავშირს, ისეთ ქალაქებში, როგორიცაა აგადირი, ოუჯდა და ინეზგანე, საპროტესტო აქციებს თან ახლდა მანქანების დაწვა და ბანკებისა და მაღაზიების ძარცვა.

ეს ქვეყანაში 2016-2017 წლების შემდეგ ყველაზე მასშტაბური საპროტესტო ტალღაა. ექსპერტები აღნიშნავენ, რომ პროტესტებს არა მხოლოდ სოციალური უკმაყოფილება, არამედ ახალგაზრდების პერსპექტივებით გამოწვეული ღრმა იმედგაცრუებაც იწვევს, განსაკუთრებით რეგიონული და ეკონომიკური უთანასწორობის ზრდის ფონზე (ალ ჯაზირა 

ავტორი: ექსპრესნიუსი,

სოციალური ქსელები

ივანიშვილის წარმომადგენელი იონათამიშვილი აფხაზეთში ბენზინის მიწოდებაზე კითხვების გამო ოპოზიციის აკრძალვას ითხოვს

სარჯველაძემ გომის მთაზე ავტოსაგზაო შემთხვევის შედეგად დაზარალებულები მოინახულა

გომის მთაზე მომხდარი ავარიის შედეგად დაშავებული 11 პაციენტიდან 6 ბავშვია, ისინი ბათუმის რესპუბლიკურ საავადმყოფოში არიან

პუტინის რეჟიმმა კენედების დინასტიის წევრი, მოქმედი ჯანდაცვის მინისტრის შვილი, ძებნაში გამოაცხადეს და პატიმრობა შეუფარდეს