ტრამპის მოკავშირე და ცნობილი ულტრაკონსერვატორი აქტივისტი, ჩარლი კირკი იუტას შტატში, Utah Valley-ს უნივერსიტეტის კამპუსის ტერიტორიაზე, სტუდენტებთან შეხვედრისას  ცეცხლსასროლი იარაღით კისრის არეში დაჭრეს. 

31 წლის კირკი საავადმყოფოშია გადაყვანილი. ამერიკული მედიის ინფორმაციით იგი მძიმე მდგომარეობაშია.

კირკი აქტიურად  გამოდიოდა უკრაინისთვის სამხედრო  მხარდაჭერის შეწყვეტის მოთხოვნით და ამისთვის შესაბამის პიარკამპანიებსაც ატარებდა ამერიკის მასშტაბით.

ჩარლი კირკი 31 წლის კონსერვატორი აქტივისტია, ორი შვილის მამა, რომელიც თანადამფუძნებელია ორგანიზაცია Turning Point USA-ს – ცნობილი არაკომერციული გაერთიანებისა, რომელიც სკოლებსა და უნივერსიტეტებში კონსერვატიულ ახალგაზრდობას აერთიანებს.

ის დონალდ ტრამპის აქტიური მხარდამჭერია და მის გარემოცვასთან მჭიდრო კავშირები აქვს. კირკმა სიტყვითაც მიმართა 2024 წლის რესპუბლიკურ ყრილობაზე, ტრამპზე თავდასხმიდან რამდენიმე დღეში.

რუსეთის მიერ უკრაინაში სრულმასშტაბიანი შეჭრის დაწყებისას, 2022 წლის თებერვალში, კირკმა ომს „სასაზღვრო დავა“ უწოდა და სოციალურ ქსელებში რუსული სახელმწიფო პროპაგანდის არაერთი ე.წ. მტკიცებულება გაავრცელა.

2022 წლის თებერვალში, კონსერვატიული პოლიტიკური მოქმედებების კონფერენციაზე, მან განაცხადა, რომ "სამხრეთის საზღვარი ბევრად უფრო მნიშვნელოვანია, ვიდრე უკრაინის საზღვარი“. 

ახლახან კი კირკი ამერიკული იარაღის უკრაინისთვის მიწოდებას დაუპირისპირდა და ვოლოდიმირ ზელენსკი ქვეყანაში არჩევნების არქონის გამო გააკრიტიკა.

ავტორი: ექსპრესნიუსი,

სოციალური ქსელები

იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება

მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა