საქართველოს თავდაცვის სამინისტრო დაუნის სინდრომის კვირეულს შეუერთდა და საერთაშორისო დღე სამინისტროს ეზოში ხალისიანი აქციით აღნიშნა. თავდაცვის მინისტრმა თინათინ ხიდაშელმა საქართველოს შეიარაღებული ძალების სამხედრო მოსამსახურეების დაუნის სინდრომის მქონე ბავშვებს უმასპინძლა. აქციაში გენერალური შტაბის უფროსი, გენერალ-მაიორი ვახტანგ კაპანაძე, მისი პირველი მოადგილე, პოლკოვნიკი ომარ ბეგოიძე და სამხედრო მოსამსახურეებიც ჩაერთნენ.

თავდაცვის უწყების ხელმძღვანელმა პირებმა და სამხედროებმა პატარებთან ერთად სამინისტროს ეზოში „მზის შვილების“ სიმბოლო - მზე ფერადი ცარცებით დახატეს და სამახსოვრო ფოტოებიც გადაიღეს. ღონისძიების დასასრულს, თინათინ ხიდაშელმა ბავშვებს საჩუქრად მზის ფორმის ბალიშები გადასცა.

„გვინდოდა, ჯარი „მზის შვილების“ აქციას შეერთებოდა. ჩვენ, ყველა ამ საზოგადოების წევრები ვართ. ჯარი განსაკუთრებით არის ქართველი საზოგადოების, ქართული სახელმწიფოს, საქართველოს მოსახლეობის სარკე. ჯარშიც გვყავს ასეთი შვილები. სოლიდარულები ვართ, ვმეგობრობთ, გვიყვარს სხვისი შვილებიც. სწორედ, ამის დასტურად გვინდოდა პატარა ხალისიანი აქცია გაგვეკეთებინა, სადაც ბავშვები, სამხედროები, ყველა ერთად დავხატავდით მზეს და ვეტყოდით მთელ საქართველოს, რომ მეგობრები ქრომოსომებს არ ითვლიან და ჩვენ ყველანი ერთად მზის შვილები ვართ,“ - აღნიშნა საქართველოს თავდაცვის მინისტრმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა