საბაჟო გამშვები პუნქტის, „სადახლო-საავტომობილოს“ მებაჟე ოფიცრებმა ნარკოტიკული ნივთიერება მარიხუანას შემოტანის მცდელობა გამოავლინეს.

„მარიხუანა აღმოჩნდა კონტროლის ზონაში სომხეთის მხრიდან შემოსულ ავტომობილში, რომელსაც სომხეთის მოქალაქე ბ.ა. საქმე შემდგომი რეაგირების მიზნით გადაეცა კრიმინალური პოლიციის მარნეულის რაიონული სამმართველოს.

იმავე დღეს, მებაჟე ოფიცრებმა ფსიქოტროპული ნივთიერების შემცველი მედიკამენტები აღმოაჩინეს საბაჟო გამშვები პუნქტზე „სარფი“. 55 აბის უკანონოდ შემოტანას თურქეთის რესპუბლიკის მხრიდან შემოსული აზერბაიჯანის მოქალაქე რ.ა. ცდილობდა. საქმე შემდგომი რეაგირების მიზნით გადაეცა საქართველოს შსს აჭარის ავტონომიური რესპუბლიკის პოლიციის დეპარტამენტის ხელვაჩაურის რაიონულ სამმართველოს.

ანალოგიური ფაქტი მოხდა 20 მარტს, საბაჟო გამშვებ პუნქტზე „მტკვარი“. აზერბაიჯანის  მოქალაქე ვ.გ.-ის კუთვნილი ხელბარგის ეჭვის საფუძველზე დათვალიერების შედეგად, შემოსავლების სამსახურის თანამშრომლებმა ნარკოტიკული  ნივთიერების შემცველი მედიკამენტი აღმოაჩინეს. საქმე შემდგომი რეაგირებისათვის გადაეცა ქვემო ქართლის პოლიციის დეპარტამენტის გარდაბნის რაიონულ სამმართველოს“, - ნათქვამია შემოსავლების სამსახურის განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა