2016-03-21 17:56:22, 922 ნახვა
საზოგადოება
„თბილსერვის ჯგუფმა“ სამების ტაძარში დასუფთავების სამუშაოები დაიწყო
შპს „თბილსერვის ჯგუფმა“ სამების საკათედრო ტაძარში ხანძრის შედეგად დანაგვიანებული ტერიტორიის დასუფთავების სამუშაოები დაიწყო.
როგორც „ექსპრესნიუსს“ თბილისის მერიიდან აცნობეს, სამუშაოებს თბილსერვისი თბილისის მერის, დავით ნარმანიას დავალებით ახორციელებს.
მათივე ინფორმაციით, დღეს დასუფთავების პროცესში ,,თბილსერვის ჯგუფის’’ 100-მდე სპეც თანამშრომელი მონაწილეობდა. სამუშაოები 24 საათიან რეჟიმში გაგრძელდება.
სამების ტაძარში გაწმენდითი სამუშაოები 1200 კვ.მ ტერიტორიაზე მიმდინარეობს. ტაძარში განთავსებულ სტამბას ხანძარი გუშინ გაუჩნდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
