ივანიშვილს ჰყავს ერთი გამყალბებელი სოციოლოგიური ორგანიზაცია „გორბი“, რომელიც 13 წლის განმავლობაში აქვეყნებს ტყუილს იმისთვის, რომ დათესოს დაპირისპირებები მათ შორის, ოპოზიციურ ველზე, მანიპულაცია მოახდინოს მოქალაქეების განწყობებზე, - ამის შესახებ „ლელო - ძლიერი საქართველოს“ გენერალურმა მდივანმა, ირაკლი კუპრაძემ ბრიფინგზე განაცხადა.

მისი თქმით, „გუშინ ივანიშვილის რუსულმა რეჟიმმა საპარლამენტო არჩევნებთან დაკავშირებით ყალბი რიცხვები გამოაქვეყნა “.

„ქართულმა ოცნებამ“ და ივანიშვილის რუსულმა რეჟიმმა გუშინ კიდევ ერთხელ გაიმასხარავა თავი. ივანიშვილს ჰყავს ერთი გამყალბებელი სოციოლოგიური ორგანიზაცია „გორბი“, რომელიც 13 წლის განმავლობაში აქვეყნებს ტყუილს იმისთვის, რომ დათესოს დაპირისპირებები მათ შორის, ოპოზიციურ ველზე, მანიპულაცია მოახდინოს მოქალაქეების განწყობებზე. გუშინ ივანიშვილის რუსულმა რეჟიმმა გამოაქვეყნა კიდევ ერთი ყალბი რიცხვები საპარლამენტო არჩევნებთან დაკავშირებით, მაშინ, როცა კალენდარულად და კონსტიტუციურად მოდის თვითმმართველობის არჩევნები. ივანიშვილი და რუსული რეჟიმი ემალება თვითმმართველობის არჩევნებზე მსჯელობას. ჩვენ არაერთხელ, სანდო ორგანიზაციების გავლით ჩავატარეთ სოციოლოგიური კვლევები, იაგო კაჭკაჭიშვილის ხელმძღვანელობით და ვნახეთ, რომ რუსული რეჟიმი მარცხდება საპარლამენტო და თვითმმართველობის არჩევნებზეც. ჩვენ ვნახეთ, რომ ივანიშვილს არ აქვს გამარჯვების შანსი დედაქალაქში და ეს ნაჩვენებია სულ ახლახან ჩატარებული სოციოლოგიური კვლევებით. ბოიკოტის პირობებშიც კი მარცხდება ივანიშვილი კონკრეტული შედეგებით“, - აღნიშნა ირაკლი კუპრაძემ.

კუპრაძის თქმით, „ისინი ბიძინა ივანიშვილის დამარცხებას მისივე მოედანზე შეძლებენ“.

„ჩვენ ოპოზიციურ, პროდასავლურ საზოგადოებას მოვუწოდებთ - სწორად გავიაზროთ ივანიშვილის რუსული სტრატეგია, საქართველოს ეროვნული ინტერესების წინააღმდეგ და ვუპასუხოთ იქ, სადაც ყველაზე მეტად ეშინია - ეს არის ბრძოლა ყველა ველზე, მათ შორის თვითმმართველობის არჩევნებზე. ჩვენ დარწმუნებით ვიცით, რომ ახალი საპარლამენტო არჩევნების ჩანიშვნა გარდაუვალია და ამაზე მიუთითებს ყველა ის პროპაგანდისტული სტრატეგია, რომლითაც ივანიშვილი ხელმძღვანელობს. ჩვენ გვაქვს საკუთარი გუნდის და მათ შორის, ჩვენი ოპოზიციური საზოგადოების იმედი. ჩვენ შევძლებთ ივანიშვილის დამარცხებას მისივე მოედანზე“, - განაცხადა ირაკლი კუპრაძემ.

ავტორი: ექსპრესნიუსი,

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს