ჯუანშერ ბურჭულაძის წინააღმდეგ შეტევა და რამდენიმე პირის დაჭერა, სინამდვილეში არის ღარიბაშვილის გარემოცვის წინააღმდეგ შეტევა და დაჭერა. ერთმანეთს არიან დარეულები, - ამის შესახებ კოალიცია „ლელო -ძლიერი საქართველოს“ ერთ-ერთმა ლიდერმა, ალეკო ელისაშვილმა განაცხადა, რითაც სუს-ის მიერ თავდაცვის ყოფილი მინისტრის მოადგილისა და კიდევ ორი პირის დაკავებას გამოეხმაურა.

როგორც ელისაშვილმა აღნიშნა, „ეს არის შიდა კლანური დაპირისპირება და უნდათ ღარიბაშვილის კლანის დაჭერა“.

„თავდაცვის სამინისტროში არაფერი განსაკუთრებული არ ხდება. თავდაცვის სამინისტროს ყოფილი მაღალჩინოსნების ეს დაჭერები, თავდაცვის სამინისტროს ბიუჯეტის გაფლანგვასა და კორუფციას არ უკავშირდება. ეს შიდა კლანური ბრძოლაა. „ქართული ოცნება“ კრიზისშია. იქიდან ევროკავშირის ძალიან მკაცრი პოზიცია გაირკვა, აქედან აშშ-ის ადმინისტრაცია ამათ არ ეკონტაქტება, ფაქტია. არიან კრიზისში და ერთმანეთს დაერივნენ. ბურჭულაძის წინააღმდეგ შეტევები და ეს დაჭერები, სინამდვილეში, არის ღარიბაშვილის გარემოცვის წინააღმდეგ შეტევები და დაჭერები. ერთმანეთში რომ არიან დარეულები, მაგას ნიშნავს და მეტს არაფერს. თავდაცვის სამინისტრო, კორუფცია, კორუფციასთან ბრძოლა არაფერ შუაშია. ეს არის შიდა კლანური დაპირისპირება და უნდათ ღარიბაშვილის კლანის დაჭერა, დაძირვა და არიან ერთმანეთს დარეულები“, - განაცხადა ალეკო ელისაშვილმა.

ცნობისთვის, სუს-მა თავდაცვის მინისტრის ყოფილი მოადგილე გიორგი ხაინდრავა და კიდევ ორი პირი დააკავა. როგორც საქართველოს სახელმწიფო უსაფრთხოების სამსახურში აცხადებენ, სუს-ის ანტიკორუფციული სააგენტოს თანამშრომლების მიერ ჩატარებული ოპერატიულ-სამძებრო და საგამოძიებო მოქმედებების შედეგად, სასამართლოს განჩინების საფუძველზე დაკავებულია საქართველოს თავდაცვის მინისტრის ყოფილი მოადგილე გიორგი ხაინდრავა, იმავე სამინისტროს შესყიდვების დეპარტამენტის ყოფილი უფროსი ვლადიმერ ღუდუშაური და თავდაცვის იმდროინდელი მინისტრის ახლო ნათესავი ვლადიმერ მხეიძე. უწყების ცნობით, ჩატარებული გამოძიებით ამ ეტაპზე გამოვლენილია, რომ დანაშაულებრივმა ჯგუფმა შეიმუშავა და სისრულეში მოიყვანა გეგმა, რომლის მიხედვითაც, საქართველოს სახელმწიფო ბიუჯეტიდან 1 333 728 ლარი გაიფლანგა.

ავტორი: ექსპრესნიუსი,

სოციალური ქსელები

ევროკომისიამ უარყო მერცის წინადადება ირანის წინააღმდეგ სანქციების შემსუბუქების შესახებ

მერცი ვარაუდობს, რომ უკრაინის ევროკავშირში გაწევრიანება შესაძლოა ტერიტორიულ დათმობებზე იყოს დამოკიდებული

პუტინმა მოუწოდა დეპუტატებს, „არ მიეჯაჭვონ აკრძალვებს“ მას შემდეგ, რაც მისი რეიტინგი ყველაზე მეტად შემცირდა

გია ვოლსკი: ევროკავშირის ელჩი კარგი ადამიანია, რომელიც ინსტრუქციების შესაბამისად მოქმედებს