პოლონეთიდან 40 მოქალაქე იქნა დეპორტირებული, მათ შორის საქართველოს 27 და მოლდოვას 13 მოქალაქე. ამის შესახებ პოლონეთის სასაზღვრო სამსახურმა განაცხადა.

განცხადებაში ნათქვამია, რომ დეპორტაცია იძულებით განხორციელდა ევროპის სასაზღვრო სააგენტოსთან თანამშრომლობით. 40-ვე ადამიანი - 27 საქართველოს მოქალაქე და 13 მოლდოვას მოქალაქე - ქვეყნიდან 15 ივლისს განხორციელებული რეისით გააძევეს.

როგორც პოლონური მხარე განმარტავს, 20 საქართველოს მოქალაქის და 9 მოლდოვას მოქალაქის დეპორტაციის გადაწყვეტილება ქვეყნის ეროვნული ინტერესებისა და საზოგადოებრივი წესრიგის უზრუნველყოფის აუცილებლობის გათვალისწინებით იქნა მიღებული.

პოლონეთის სასაზღვრო სამსახურის ცნობით, ქვეყანაში დაბრუნებული საქართველოს ერთ-ერთი მოქალაქე ქურდობისთვის 12-ჯერ იყო ნასამართლევი.

დეპორტირებულთაგან ზოგიერთს ბრალი წაუყენეს ნასვამ მდგომარეობაში მანქანის მართვაში, პოლონეთში ყალბი დოკუმენტებით შესვლასა და ევროპაში მიგრანტების უკანონო გადაყვანაში დახმარებაში - ეს ეხება მიგრანტებს, რომლებიც პოლონეთში ბელორუსიიდან შედიან.

ავტორი: ექსპრესნიუსი,

სოციალური ქსელები

აშშ-მ ირანის წინააღმდეგ სანქციები გააფართოვა და მსხვილი ავტომწარმოებლები და რკინიგზის კომპანიები მოიცვა

ნატოს გენერალური მდივანი: ევროპა დღეს მშვიდობაში არ არის

„პუტინის გზა“: მოსკოვი რუსეთიდან საქართველოს გავლით სომხეთამდე რკინიგზის მარშრუტის პოპულარიზაციას იწყებს

„თბილისობის“ დღესასწაულთან დაკავშირებით საავტომობილო გადაადგილება რამდენიმე ქუჩაზე დროებით იზღუდება