„ჩვენ დაუყოვნებლივ უნდა ვიმოქმედოთ და მოვამზადოთ სანქციები იმ ადამიანების მიმართ, ვინც მონაწილეობდა ქართველი ოპოზიციონერების დაპატიმრებებში“, - ამის შესახებ საქართველოს საგარეო საქმეთა სამინისტროს ხელმძღვანელმა, კესტუტის ბუდრისმა, ევროკავშირის წევრი ქვეყნების საგარეო საქმეთა მინისტრების შეხვედრის დაწყებამდე განაცხადა.

მისი თქმით, საქართველოში ვითარება კვლავ უარესდება.

„ჩვენ ვხედავთ, რომ საქართველოში სიტუაცია კიდევ უფრო უარესდება და ჩვენი მხრიდან უმოქმედობა დამატებით სტიმულს იძლევა. სწორედ ამიტომ უნდა ვიმოქმედოთ დაუყოვნებლივ. ჩვენ ვხედავთ მათ წინააღმდეგ აღძრულ სისხლის სამართლის საქმეებს და ეს აბსოლუტურად მიუღებელია. ჩვენი მხრიდან, ჩვენ ამას სანქციებით, რეჟიმზე ზეწოლით და მისი პოლიტიკური იზოლაციით უნდა ვუპასუხოთ“, - განაცხადა ბადრისმა.

ასევე, მისი თქმით, პასუხი უნდა მოიცავდეს ქართული სამოქალაქო საზოგადოების მხარდაჭერის გაზრდას.

„ჩვენ კვლავ ვხედავთ, რომ საქართველოს მოსახლეობის აბსოლუტური უმრავლესობა მხარს უჭერს ევროკავშირში გაწევრიანებას. ჩვენს საზოგადოებაში ვხედავ, რომ ლიეტუვის მოსახლეობის 60%-ზე მეტს სურს, რომ საქართველო გახდეს ევროკავშირის ნაწილი. ორივე მხარისთვის არსებობს ვალდებულებები. საქართველოსთვის არსებობს ვალდებულებები, დაიცვას ადამიანის უფლებების სტანდარტები და ევროპული ქვეყნებისთვის არსებობს ვალდებულებები, გაუწიონ მაქსიმალური მხარდაჭერა საქართველოს. ჩვენ უნდა გავაგრძელოთ ამ მიმართულებით მოქმედება“, - აღნიშნა ლიეტუვის მინისტრმა.

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს