შინაგან საქმეთა სამინისტროს საგანგებო სიტუაციების მართვის სამსახურის იურიდიული დეპარტამენტის უფროსმა, თამარ ჭანტურაიამ, განაცხადა, რომ 30 ნოემბრიდან 3 დეკემბრამდე, რუსთველის გამზირზე „საპროტესტო აქციების დროს განხორციელებული ძალადობრივი ქმედებების შედეგად“ მიყენებულმა ზარალმა 62 785 ლარი შეადგინა.

საპროტესტო აქციებზე დაკავებული 8 პირის სასამართლო პროცესზე, პროკურორის კითხვაზე, თუ რა კონკრეტული ქონება დაზიანდა ძალადობრივი ქმედებების შედეგად, ჭანტურაიამ აღნიშნა, რომ დაზიანებული ქონება შინაგან საქმეთა სამინისტროს ბალანსზე რიცხული ქონება იყო, კერძოდ, მეხანძრეების ტანსაცმელი და სამაშველო აღჭურვილობა.

მოწმის ჩვენების თანახმად, დაზიანებული ფორმების ღირებულება 8,894 ლარს შეადგენს, ავტომობილების ღირებულება - 53,891 ლარს, ხოლო ზიანის საერთო ოდენობა 62,785 ლარს შეადგენს.

ჩანტურაიამ განმარტა, რომ დაზიანებული ნივთები ძირითადად დამწვარი იყო, ასევე იყო მექანიკური დაზიანება - ისინი სხვადასხვა საღებავით იყო წასმული და ა.შ.

ცნობისთვის, დაკავებულთაგან სამს - ზვიად ცეცხლაძეს, ვეფხია კასრაძეს და ვასილ კაძელაშვილს - ჯგუფური ძალადობის ორგანიზებასა და ხელმძღვანელობაში ედება ბრალი. მათ 6-დან 9 წლამდე თავისუფლების აღკვეთა ემუქრებათ.

კიდევ ხუთ პირს - გიორგი გორგაძეს, ირაკლი მიმინოშვილს, ინსაფ ალიევს, თორნიკე გოშაძეს და ნიკოლოზ ჯავახიშვილს - ჯგუფურ ძალადობაში მონაწილეობა ედება ბრალად და 4-დან 6 წლამდე თავისუფლების აღკვეთა ემუქრებათ.

ავტორი: ექსპრესნიუსი,

სოციალური ქსელები

ივანიშვილის წარმომადგენელი იონათამიშვილი აფხაზეთში ბენზინის მიწოდებაზე კითხვების გამო ოპოზიციის აკრძალვას ითხოვს

სარჯველაძემ გომის მთაზე ავტოსაგზაო შემთხვევის შედეგად დაზარალებულები მოინახულა

გომის მთაზე მომხდარი ავარიის შედეგად დაშავებული 11 პაციენტიდან 6 ბავშვია, ისინი ბათუმის რესპუბლიკურ საავადმყოფოში არიან

პუტინის რეჟიმმა კენედების დინასტიის წევრი, მოქმედი ჯანდაცვის მინისტრის შვილი, ძებნაში გამოაცხადეს და პატიმრობა შეუფარდეს