შინაგან საქმეთა სამინისტრო ბიზნესმენ გიორგი რამიშვილის დაკავების შესახებ წერს, რომ  თბილისის აეროპორტში გამგზავრების ტერმინალში, გ.რ.-ს ხელბარგის სკანერით შემოწმებისას ცეცხლსასროლი იარაღი, მჭიდი და ვაზნები ამოიღეს. უწყების მტკიცებით, იარაღი რამიშვილის სახელზე იყო რეგისტრირებული, თუმცა ბიზნესმენს ტარების უფლება არ ჰქონდა. 

"მაღალი საზოგადოებრივი ინტერესიდან გამომდინარე, გვსურს საზოგადოებას მივაწოდოთ ინფორმაცია 1967 წელს დაბადებული გ.რ.-ს დაკავების შესახებ.

სამართალდამცველებმა, მიმდინარე წლის 6 ივლისს, თბილისის საერთაშორისო აეროპორტში, გამგზავრების ტერმინალში, გ.რ.-ს ხელბარგის სკანერით შემოწმებისას ცეცხლსასროლი იარაღი, მჭიდი და ვაზნები ამოიღეს.

დადგინდა, რომ აღნიშნული ცეცხლსასროლი იარაღი რეგისტრირებულია გ.რ.-ს სახელზე, თუმცა აღნიშნულ პიროვნებას ტარების უფლება არ ჰქონდა.

გამოძიება სისხლის სამართლის კოდექსის 236-ე მუხლის მე-3 და მე-4 ნაწილებით მიმდინარეობს" - წერს შსს. 

ავტორი: ექსპრესნიუსი,

სოციალური ქსელები

COMCOM: რუსთავი 2 მიუკერძოებლობის პრინციპების დარღვევისთვის გავაფრთხილეთ

შეშფოთებულები ვართ ერთი სახელმძღვანელოს პრინციპით- წიგნის ინდუსტრიის ასოციაცია

საია: შსს-ს მოვუწოდებთ, თორნიკე რაზმაძის წინააღმდეგ საქმე შეწყვიტოს

განათლებიდან შესაძლებლობებამდე - ახალგაზრდების მხარდაჭერა BOG-ისთვის მნიშვნელოვანია