სრულიად საქართველოს კათოლიკოს-პატრიარქი ილია მეორე  პარლამენტს უვადო პატიმრობის მუხლის შეცვლას სთხოვს.

როგორ ილია მეორემ დღევანდელი ქადაგებისას ბრძანა, უვადო პატიმრებს ყოველგვარი იმედი დაკარგული აქვთ, რომ ოდესმე დაბრუნდებიან, დაუბრუნდებიან თავის ოჯახებს, სამშობლოსა და საქმეს. 

"უვადო პატიმრობა მძიმე ტვირთია, ეს მეტად მძიმეა და ვფიქრობ, რომ ჩვენმა პარლამენტმა უნდა იფიქროს ამაზე, რომ უვადო არაფერია, უვადო არაფერი არ არსებობს ფიზიკურ სამყაროში, უვადო მარტო ღმერთია",-ბრძანა უწმინდესმა.

ილია მეორეს შეფასებით, თუ ესა თუ ის პატიმარი  გამოსწორების გზაზე დადგა,  შესაძლებელია,  უვადო პატიმრობა შეუცვალო და გარკვეული ვადა  დადგინდეს და  მიეცეს მას იმედი, რომ ოდესმე ციხიდან გამოვა.

" მქონდა შეხვედრა მათთან, ისინი ლოცულობენ, შრომობენ, ხატებს წერენ და ხეებზე კვეთენ. ალბათ, ჩვენი პარლამენტი, ხელისუფლება ამ ადამიანებს ყურადღებას მიაქცევს ,"-აღნიშნა  ილია მეორემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა