თბილისის საქალაქო სასამართლოში პარლამენტთან საპროტესტო აქციების დროს, ჯგუფურ ძალადობაში მონაწილეობის ბრალდებით დაკავებული მსახიობის, ანდრო ჭიჭინაძის, იუმორისტ ონისე ცხადაძისა და კიდევ 9 პირის სასამართლო პროცესი მიმდინარეობს.

დღევანდელ პროცესზე ბრალდების მხარის მტკიცებულებების გამოკვლევა მოხდება.

სასამართლო პროცესს ონისე ცხადაძის, რუსლან სივაკოვისა და რევაზ კიკნაძის გარდა ყველა ესწრება.

სასამართლო პროცესის დაწყებისას, დაცვის მხარემ მოსამართლეს მიმართეს საერთო სასამართლოების შესახებ კანონში შესულ ცვლილებებთან დაკავშირებითაც, რომლის მიხედვითაც სასამართლო პროცესის ვიდეო/ფოტო და აუდიოს ჩაწერა იზღუდება.

როგორც ადვოკატებმა განაცხადეს, კონკრეტულმა მედიასაშუალებებმა, გადაღების მოთხოვნით როგორც სასამართლოს, ისე იუსტიციის უმაღლეს საბჭოს განცხადებებით მიმართეს, თუმცა მათი გადაწყვეტილება ცნობილი არ არის, რის გამოც მოსამართლეს იუსტიციის უმაღლეს საბჭოსთან კომუნიკაციის დამყარებისკენ მოუწოდეს. მოსამართლე ნინო გალუსტაშვილმა ადვოკატებს განუცხადა, რომ თუ იუსტიციის უმაღლეს საბჭოში მიღებული იქნებოდა გადაწყვეტილება, ის მათთვის ცნობილი იქნებოდა. მისი თქმითვე, საბჭოდან მას არანაირი გადაწყვეტილება სხდომის გადაღებასთან დაკავშირებით არ მიუღია.

ამასთან, დაცვის მხარის შეფასებით, კანონში შესული ცვლილებები მიზანია, სასამართლო პროცესები არ გაშუქდეს.

ცნობისთვის, პარლამენტთან მიმდინარე საპროტესტო აქციების დროს, ჯგუფურ ძალადობაში მონაწილეობის ბრალდებით დაკავებული მსახიობის, ანდრო ჭიჭინაძის, იუმორისტ ონისე ცხადაძისა და კიდევ 9 პირის საქმე ერთ წარმოებად გაერთიანდა.

დაკავებულებს - ანდრო ჭიჭინაძეს, ონისე ცხადაძეს, ჯანო არჩაიას, რუსლან სივაკოვს, ლუკა ჯაბუას, გურამ მირცხულავას, ვალერი თეთრაშვილს, გიორგი ტერიშვილს, ირაკლი ქერაშვილს, რევაზ კიკნაძესა და სერგეი კუხარჩუკს ბრალი საქართველოს სისხლის სამართლის კოდექსის 225-ე მუხლის მეორე ნაწილით წარედგინათ, რაც ჯგუფურ ძალადობაში მონაწილეობას გულისხმობს.

აღნიშნული დანაშაული სასჯელის სახედ და ზომად 4-დან 6 წლამდე თავისუფლების აღკვეთას ითვალისწინებს.

ავტორი: ექსპრესნიუსი,

სოციალური ქსელები

მოსკოვის სასამართლომ კენედების ოჯახის წევრს დაუსწრებლად პატიმრობა მიუსაჯა

კოლუმბიის პრეზიდენტი - მიწისძვრის შემდეგ 265 ადამიანი დაიღუპა და 3 494 დაშავდა, უგზო-უკვლოდ დაკარგულად ითვლება 496

ნარკოდანაშაულის ბრალდებით 135 პირი დააკავეს, მათ შორის ნარკორეალიზაციაში სხვადასხვა ფორმით ჩართული 55 პირია

ივანიშვილის წარმომადგენელი იონათამიშვილი აფხაზეთში ბენზინის მიწოდებაზე კითხვების გამო ოპოზიციის აკრძალვას ითხოვს