2025-06-29 12:28:31, 817 ნახვა

---

გერმანიის საგარეო მინისტრი - უკრაინის წინააღმდეგ რუსეთის ომი ევროპისთვის ყველაზე დიდ საფრთხედ რჩება

გერმანიის საგარეო საქმეთა მინისტრის, იოჰან ვადეფულის განცხადებით, უკრაინის წინააღმდეგ რუსეთის ომი არის და რჩება ყველაზე დიდ საფრთხედ ევროპისთვის და გერმანიის საგარეო პოლიტიკის ყველაზე მნიშვნელოვან საკითხად.

„რუსეთი ასევე პირდაპირ საფრთხეს უქმნის ჩვენს ცხოვრებას გერმანიაში, სადაც მშვიდობიანად და თავისუფლად ვცხოვრობთ“, - განაცხადა იოჰან ვადეფულმა გერმანულ მედიასთან ინტერვიუში.

ამასთან, მინისტრმა Spiegel-თან ინტერვიუში მინისტრმა განაცხადა, რომ რაც უფრო თანმიმდევრული იქნება დასავლეთი მოსკოვის მიმართ, მით უფრო მაღალია იმის ალბათობა, რომ ვლადიმერ პუტინი მოლაპარაკებებზე დათანხმდება.

„ჩვენი თავისუფლებისთვის აუცილებელია კიევის სამხედრო მხარდაჭერის გაგრძელება“, - აღნიშნა გერმანიის საგარეო უწყების ხელმძღვანელმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი