2025-06-18 12:25:53, 1511 ნახვა
საზოგადოება
ხაშურში, 60 წელს გადაცილებული მამაკაცი, სავარაუდოდ, სიძემ მოკლა
ხაშურის მუნიციპალიტეტის სოფელ ოსიაურში 60 წელს გადაცილებული მამაკაცი მოკლეს. როგორც ადგილობრივებმა განაცხადეს, მამაკაცი მხედველობადაქვეითებული იყო.
ამ დროისთვის არსებული არაოფიციალური ვერსიით, 63 წლის უსინათლო კაცი სასიკვდილოდ სავარაუდოდ სიძემ გაიმეტა, ნაცემია მოკლულის მეუღლეც, რომელიც საავადმყოფოშია გადაყვანილი.
შინაგან საქმეთა სამინისტროს ინფორმაციით, მომხდარ ფაქტზე გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს.
ავტორი: ექსპრესნიუსი,
epn.ge (@expressnews.ge)
