თბილისში სასაფლაოების მოწყობისა და მოვლა–პატრონობის ახალი წესი დაამტკიცეს.
წესის თანახმად, რომელიც საკანონმდებლო მაცნეში გამოქვეყნდა, ახალი სასაფლაო ქალაქის გარეუბანში, საცხოვრებელი შენობებიდან და დასასვენებელი ადგილებიდან სულ ცოტა 300 მეტრის დაშორებით განთავსდება.
სასაფლაოს მოწყობისას გათვალისწინებული იქნება გასასვლელებისა და ფეხით სავალი გზების მიმართულება, მწვანე ნარგავების განთავსება, საოფისე შენობის, ყვავილების მაღაზიის, საზოგადოებრივი ტუალეტის, დაკრძალვის წინ ცხედრის დასასვენებლად (სამოქალაქო პანაშვიდი და ა.შ) განკუთვნილი სპეციალური შენობის მშენებლობა. სასაფლაოს შესასვლელში საავტომობილო სადგომი მოეწყობა.
საფლავი იქნება ერთ ან ორ ადგილიანი, ასევე საგვარეულო სამარხი და საძმო საფლავი.
საქალაქო სასაფლაოს ტერიტორიაზე დაკრძალვისთვის გამოყოფილი თავისუფალი მიწის ნაკვეთი არაუმეტეს 5 ზონისგან შედგება. ზონების რიგითობას, ზონის დადგენას და არნიშნულ ზონებში საფლავების გამოყოფის წესებს და ფასებს თბილისის მთავრობა განსაზღვრავს. ზონების რიგითობა სამანქანო გზიდან დაშორების და მიწის ნაკვეთის რელიეფის გათვალისწინებით განისაზღვრება. მე–5 ზონაში განთავსებული ერთ ან ორ ადგილიანი საფლავების გამოყოფა უფასოა.
საფლავის გამოყოფის ფასი  სასაფლაოს მიმდებარე ტერიტორიაზე არსებული კერძო სასაფლაოებზე საფლავის გამოყოფის ფასის მიხედვით განისაზღვრება. ასეთ შემთხვევაში, საქალაქო სასაფლაოზე მე–5 ზონის გარეთ არსებულ ზონებში საფლავის გამოყოფის ფასი არანაკლებ 20%–ით ნაკლები უნდა იყოს კერძო სასაფლაოზე არსებულ ფასებზე.
რაც შეეხება საფლავების ექსპლუატაციას, ყოველ სამარეზე გამოყოფილი იქნება 2.5 კვ.მ ფართობის ტერიტორია. სამარის სიღრმე 1,5 მეტრზე ნაკლები არ უნდა იყოს. გარდაცვლილის მჯდომარე მდგომარეობაში დაკრძალვისას მიწის შრე გვამზე საფლავსზედა ყრილის ჩათვლით სულ ცოტა 1 მეტრი იქნება.
დაკრძალვასთან დაკავშირებულ სარიტუალო საქმიანობას ოპერატორი განახორციელებს, რომელმაც გარდაცვლილის ნეშტის დაკრძალვასთან დაკავშირებული მომსახურების გაწევისას უნდა დაიცვას რელიგიური და ქვეყანაში არსებული კულტურული ტრადიციები. შესაძლებლობების ფარგლებში გაითვალისწინოს გარდაცვლილი ჭირისუფლის სურვილები.
ოპერატორი ვალდებულია, საგვარეულო სამარხის არ ქონის შემთხვევაში მე–5 ზონაში, მოახდინოს უფასოდ ერთ ან ორ ადგილიანი საფლავის გაცემა. ასევე მის მოვალეობაში შედის, მიცვალებულის ნეშტის დასაფლავებისა და გადაადგილებისათვის საჭირო მომსახურება, სასაფლაოზე არსებული ყველა სამარის გათხრა და ამოვსება, გარდაცვლილის სამარეში ჩასვენება. ოპერატორის საქმიანობას მთავრობა გააკონტროლებს.

მთავრობა ასევე უფლებამოსილია,  სასაფლაოს ტერიტორიაზე წინასწარ დაადგინოს ძეგლების, სასაფლაოების ქვების, გამოსახულების და ა.შ.  ზომები. ოპერატორს კი, უფლება არ აქვს ჭირისუფალი დაავალდებულოს მათი განსაზღვრული პირისგან შეძენა ან დამზადება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პენიტენციური: პატიმარ გიორგი დავითაძეზე ძალადობის ფაქტს ადგილი არ ჰქონია

ისარგებლეთ საქართველოს ბანკის საკრედიტო Amex-ის შეთავაზებით ოთხ სავაჭრო ცენტრში

Euromoney-მ თიბისი საუკეთესო კორპორატიულ ბანკად მესამედ დაასახელა

ხაშურობისთვის მერიამ ზაზა ნოზაძე გარეპავს- ბიუჯეტიდან კონცერტის ორგანიზატორს 93 000 ლარს გადაუხდიან