09:57 - 23 Jun, 2025
ჩვენ შესახებ რეკლამა/ხელმოწერა
2025-06-10 18:39:25, 684 ნახვა

სამართალი
რეზო კიკნაძე - სრული ვაქხანალიაა ქვეყანაში და ზოგიერთი პარტია ამბობს, რომ არჩევნებში უნდა გავიდეს, რისი იმედი აქვთ?

19-20 წლის სტუდენტ გოგოებს იჭერენ ამის გამო ციხეში და ერთი თხოვნა მაქვს - რაღაცას თუ მომისჯით, იმაზე 12 დღე დამიმატოთ, რადგან “ძირს რუსეთის დამპალი იმპერია!” - ამის შესახებ აქციების პერიოდში დაკავებულმა რევაზ კიკნაძემ სასამართლო პროცესზე სიტყვით გამოსვლისას განაცხადა.

მისი თქმით, ქვეყანაში ისეთი განუკითხაობა ხდება და იმდენ ადამიანს იჭერენ, მდგომარეობა საბჭოთა კავშირისგან უკვე აღარ განსხვავდება.

“ბოლო პერიოდში ხშირად მიფიქრია, რომ მგონი სჯობს, მოგვისაჯონ, ვინაიდან, ეს ხალხში ისევ გააღვივებდა პროტესტს და ხალხს გარეთ გამოიყვანდა.

განუკითხაობა ხდება უკვე ქვეყანაში, ყველა კუთხეში უსამართლობაა. როგორც უნდათ, ისე იჭერენ ხალხს, მიზეზიც არ სჭირდებათ. ვიღაც არ მოეწონებათ - გაუშვებენ ციხეში. იჭერენ საუბრის გამო, დგომის გამო, მედიებს ატერორებენ უკვე და ცენზურას უწესებენ. შეიძლება, მედიებიც აღარ გვქონდეს მალე. კრიტიკაც კი სისხლის სამართლის დანაშაული გახადეს, საბჭოთა კავშირისგან რა განგვასხვავებს, არ ვიცი.

სრული ვაქხანალიაა ქვეყანაში და ამის ფონზე, ზოგიერთი პარტია გამოდის და ამბობს, რომ პროტესტი და ბოიკოტი გვერდით უნდა გადავდოთ და რაღაც არაფრის მომცემ, უმნიშვნელო არჩევნებში უნდა გავიდეთ.

ბოიკოტის მერე რა ხდებაო, ასეთი კითხვები იყო გარეთ და ჩემი აზრით, ბოიკოტი ნიშნავს იმას, რომ რაღაცას ითხოვ და თუ იმ რაღაცას არ გისრულებენ, ისევ ბოიკოტში რჩები, სანამ არ შეგისრულებენ და უფრო მძაფრ ხასიათს იღებს ეს ბოიკოტი.

მესამე-მეოთხე ადგილზე გასულ პარტიებს თან, რომელთაც ამომრჩეველი კიდევ უფრო დააკლდებათ ამ მოღალატეობრივი და “ქართული ოცნების” წისქვილზე წყლის დამსხმელი ქმედებით, რისი იმედი აქვთ? 19-20 წლის სტუდენტ გოგოებს იჭერენ ამის გამო ციხეში და ერთი თხოვნა მაქვს - რაღაცას თუ მომისჯით, იმაზე 12 დღე დამიმატოთ, რადგან “ძირს რუსეთის დამპალი იმპერია!”, - განაცხადა რეზო კიკნაძემ.




ავტორი: ექსპრესნიუსი,


სოციალური ქსელები
რუსებმა კიევს დაარტყეს, დაიღუპა 4 და დაშავდა 13 ადამიანი
ისრაელმა ირანის სამხედრო ინფრასტრუქტურაზე იერიში მიიტანა
ჯეი დი ვენსი - ირანის ბირთვული პროგრამა მნიშვნელოვნად დავხიეთ უკან
ზურაბ ჯაფარიძე 23 ივნისს განაჩენის გამოცხადებას არ დაესწრება
რედაქტორის რჩევით

ომი უკრაინაში

ვიდეო/LIVE

საქართველოს დამოუკიდებლობის დღე












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics

X
GE25BG0000000606108352 საქართველოს ბანკი
GE41TB7089836080100007 TBC ბანკი