აშშ-ს უზენაესმა სასამართლომ ტრამპის ადმინისტრაციას ვენესუელელი მიგრანტების 1798 წლის აქტით დეპორტაციის დროებით შეჩერება უბრძანა. 

"მთავრობას ნაბრძანები აქვს, რომ დაკავებულთა სავარაუდო კოლექტიური იურიდიული მხარის არცერთი წევრი ამ სასამართლოს შესაბამის ბრძანებამდე აშშ-დან არ გააძევოს". - წერია სასამართლოს გადაწყვეტილებაში. 

გადაწყვეტილების მიმართ წინააღმდეგობა კონსერვატორმა უზენაესმა მოსამართლეებმა, კლარენს თომასმა და სემუელ ალიტომ საჯაროდ გამოხატეს. 

ამერიკის სამოქალაქო უფლებათა კავშირმა (ACLU) 18 აპრილს რამდენიმე სასამართლოში, მათ შორის უზენაეს სასამართლოში, სასწრაფო სარჩელები შეიტანა მას შემდეგ, რაც განაცხადა, რომ რამდენიმე დაკავებული ავტობუსებში უკვე განათავსეს და უთხრეს, რომ დეპორტაციას უპირებდნენ.

ACLU-მ განაცხადა, რომ სწრაფი ტემპით პრეზიდენტის ადმინისტრაცია დაკავებულებს გადაწყვეტილების გასაჩივრების რეალისტური საშუალების გარეშე გააძევებდა, რაც უზენაესი სასამართლოს მოთხოვნასთან წინააღმდეგობაში მოდის. 

გამოცემა Reuters წერს, რომ თეთრ სახლს უზენაესი სასამართლოს გადაწყვეტილებაზე კომენტარი დაუყოვნებლივ არ გაუკეთებია. 

ცნობისთვის, გუშინ, 18 აპრილს ამერიკელმა ფედერალურმა მოსამართლემ, ბრაიან მერფიმ მიიღო გადაწყვეტილება, რომელიც ტრამპის ადმინისტრაციას დეპორტაციების გაგრძელებას უკრძალავს.

ფედერალური მოსამართლის გადაწყვეტილებით, დეპორტაციამდე დაკავებულებს საშუალება უნდა მიეცეთ, რომ სასამართლოს წინაშე დაასაბუთონ წამების ან არასათანადო მოპყრობის რისკი იმ შემთხვევაში, თუ რომელიმე ქვეყანაში გააძევებენ.

"სასამართლომ დაადგინა, რომ ეს დეპორტაციები სავარაუდოდ უკვე არასამართლიანად შესრულდა ან შესრულდება და, სულ მცირე, დაცვის მხარეს არ ჰქონია შესაძლებლობა, წარმოედგინა ზიანი, რომელიც შეიძლება განიცადონ". - წერდა მერფი.

მანამდე, აშშ-ს უზენაესმა სასამართლომ ტრამპს 1798 წლის საომარი აქტით დეპორტაციების გაგრძელების ნება დართო, თუმცა გარკვეული შეზღუდვები დაუწესა. 

ავტორი: ექსპრესნიუსი,

სოციალური ქსელები

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს

“რომელი ბრენდი იმსახურებს ჩემპიონს?“ - საქართველოს ბანკის ახალი კამპანია პარალიმპიელი ჩემპიონებისთვის ახალი შესაძლებლობების შესაქმნელად

sCool Card-ით სასკოლო ფორმის შეძენაზე მოსწავლეები 30%-მდე ქეშბექს მიიღებენ

"ლელო-ძლიერი საქართველო": გასული 34 წლის მანძილზე საქართველოს ტერიტორიაზე მომხდარ ყველა შეიარაღებულ კონფლიქტში ჩვენი ქვეყანა მუდამ იცავდა საკუთარ სახელმწიფო ინტერესებს