2025-04-15 09:36:24, 663 ნახვა
მსოფლიო
რუსეთის თავდაცვის უწყების ცნობით, ხუთ რეგიონში 115 უკრაინული დრონი ჩამოაგდეს
რუსეთის საჰაერო თავდაცვის სისტემებმა ქვეყნის ხუთ რეგიონში, მათ შორის მოსკოვის ოლქში, 115 უკრაინული უპილოტო საფრენი აპარატი გაანადგურეს, - ინფორმაციას რუსული მედია ქვეყნის თავდაცვის სამინისტროზე დაყრდნობით ავრცელებს.
მათივე ინფორმაციით, ყველაზე მეტი - 109 უპილოტო საფრენი აპარატი - კურსკის ოლქის ტერიტორიაზე ჩამოაგდეს, 3 - ვორონეჟის ოლქში, თითო-თითო - მოსკოვის, ბრიანსკისა და ორიოლის ოლქებში.
მანამდე გავრცელდა ინფორმაცია, რომ კურსკის ოლქზე დრონებით თავდასხმა განხორციელდა, რის შედეგადაც რამდენიმე საცხოვრებელ სახლში ხანძარი გაჩნდა, დაიღუპა ერთი და დაშავდა 9 ადამიანი.
ავტორი: ექსპრესნიუსი,
epn.ge (@expressnews.ge)
