აშშ-ის პრეზიდენტმა დონალდ ტრამპმა რუსეთის ხელისუფლების „მავნე ქმედებებთან“ დაკავშირებით საგანგებო მდგომარეობა ერთი წლით გაახანგრძლივა, ქვეყნის ფედერალური რეესტრის მონაცემებით. ეს გულისხმობს რუსული აქტივების ბლოკირებისა და სანქციების გახანგრძლივებას, ასევე მეორად შეზღუდვებს უცხოური ფინანსური ინსტიტუტებისთვის, რომლებიც თანამშრომლობენ რუსეთის სამხედრო-სამრეწველო კომპლექსთან.

ჩამოთვლილი „მავნე ქმედებები“ მოიცავს „შეერთებულ შტატებში და მის მოკავშირეებში თავისუფალი არჩევნების შეფერხებას“, კიბერდანაშაულს, „ტრანსნაციონალური კორუფციის ხელშეწყობას და გამოყენებას უცხო მთავრობებზე ზემოქმედებისთვის“, დისიდენტებისა და ჟურნალისტების შევიწროებას, ვაშინგტონისთვის სტრატეგიული მნიშვნელობის რეგიონებში უსაფრთხოების შელახვას და საერთაშორისო სამართლის დარღვევას.

„რუსეთის ფედერაციის მთავრობის კონკრეტული ბოროტმოქმედები <...> კვლავაც უჩვეულო და არაჩვეულებრივ საფრთხეს უქმნის შეერთებული შტატების ეროვნულ უსაფრთხოებას, საგარეო პოლიტიკას და ეკონომიკას“, - ნათქვამია დოკუმენტში. „მე ვაგრძელებ 14024-ე ბრძანებით გამოცხადებულ ეროვნულ საგანგებო მდგომარეობას ერთი წლით.

შესაბამისი რეჟიმი მისმა წინამორბედმა ჯო ბაიდენმა შემოიღო. იმ დროს აშშ-მა ჩამოთვალა მსგავსი საფრთხეები, რომლებიც რუსეთიდან მომდინარეობდა.

ავტორი: ექსპრესნიუსი,

სოციალური ქსელები

აშშ-ის კონგრესმენები უკრაინისთვის Starlink-ისა და დაზვერვის შეზღუდვას მკაცრად გმობენ

ქართველ ხალხთან უკვე დამარცხებული ბიძინა ივანიშვილის პოლიტიკური გუნდი ცდილობს აკრძალოს არა პარტიები, არამედ ქართველი ხალხის არჩევანი – ძლიერი საქართველო

საქართველოს ევროპული მომავლის წინააღმდეგ მიღებული გადაწყვეტილებაა - თევზაძე სარჩელზე

ოცნების ხელისუფლება ევროკავშირის გაფართოების ფორუმზე მიწვეული არ არის - ევროკავშირი