2025-04-12 11:59:34, 620 ნახვა
საზოგადოება
საზმაუს ბორდის წევრები - სამსახურიდან ჩიქოვანისა და ზაუტაშვილის გათავისუფლების გამო მენეჯმენტი პასუხს აგებს
მენეჯმენტის გუშინდელი გადაწყვეტილება არის უკანონო, მიკერძოებული, უსამართლო, არაპროფესიონალური. ეს არის რეჟიმის სამსახურში მყოფი ხალხის მიერ მიღებული გადაწყვეტილება. ნორმალურ პირობებში, პირიქით, „საზოგადოებრივი მაუწყებლის“ მენეჯმენტი უნდა ამაყობდეს ამ თანამშრომლებით, რომლებიც ასე გაწირა და უნამუსოდ მოექცა,- აღნიშნული განცხადება „საზოგადოებრივი მაუწყებლის“ სამეურვეო საბჭოს წევრმა, ლიკა ბასილაიამ ბორდის წევრებთან ერთად, „საზოგადოებრივი მაუწყებლის“ ძველ შენობასთან გააკეთა, როდესაც გამოეხმაურა ტელევიზიიდან ჟურნალისტების ნინო ზაუტაშვილისა და ვასილ-ივანოვ ჩიქოვანის გათავისუფლებას. როგორც მან აღნიშნა, ამ გადაწყვეტილების საპასუხოდ მის ხელთ არსებულ ყველა ბერკეტს გამოიყენებს. „პირადად მე, როგორც ბოდრის წევრი, ვაპირებ, რომ ყველა ჩემს ხელთ არსებული ბერკეტი გამოვიყენო, რომ იმ ადამიანებმა, კონკრეტულად თინათინ ბერძენიშვილმა, ვასილ მაღლაფერიძემ და სხვებმა, ვინც ე.წ. მოკვლევა ჩაატარეს და ასეთი უსამართლო, ტყუილებზე და ცილისწამებაზე დაფუძნებული ე.წ. დასკვნა გამოიტანა, რომლის საფუძველზეც ეს ხალხი სამსახურიდან ასე უსირცხვილოდ გაათავისუფლეს, პასუხი აგონ, პირველ რიგში, უმძიმესი სანქციით. დანარჩენს მომავალი გვიჩვენებს, როგორ შევძლებთ ჩვენ ამ ხალხის სამართლიანად და სამართლებრივად დასჯას, შემდგომ მათ პასუხისგებაში გადაცემას, როდესაც ამის დრო მოვა სწორედაც „საზოგადოებრივი მაუწყებლის“ იდეის ღალატისთვის, თვითონ ტელევიზიის სახელისა და რეპუტაციის შელახვისთვის და მომავლის მოსპობისთვის. ეს არხი უნდა ემსახურებოდეს საზოგადოების ინტერესებს. რომ ხალხმა პროტესტი გამოთქვა, რომ სათანადოდ არ შუქდებოდა ნოემბრისა და დეკემბრის დასაწყისის მოვლენები, ამის თაობაზე პეტიცია მოამზადა და ბევრმა ხელი მოაწერა, თანამშრომლები აპროტესტებდნენ კობახიძის სამარცხვინო განცხადებას, რომ ჩვენ ვაჩერებთ ევროკავშირში ინტეგრაციის პროცესს იმის გამო, რომ რუსულ რეჟიმს ასე მოუნდა, ხალხმა ეს გააპროტესტა, ასევე გააპროტესტა ის, რომ არასათანადოდ, მიკერძოებით და უსამართლოდ შუქდებოდა მოვლენები ამ არხზე. ამიტომ, ჩვენ ყველაფერს გავაკეთებთ, რომ ამ ხალხმა პასუხი აგოს და ეს, აუცილებლად ასე იქნება“,- განაცხადა ლიკა ბასილაიამ ამასთან, როგორც სამეურვეო საბჭოს კიდევ ერთმა წევრმა, ლაშა ტუღუშმა აღნიშნა, გუშინ მიღებული გადაწყვეტილება არავის დაავიწყდება. „საბჭოთა სტილში გაათავისუფლეს პატიოსანი ჟურნალისტები, რომლებიც ამ ქვეყანას ემსახურებოდნენ, ეს რა თქმა უნდა, აბსოლუტურად მიუღებელია. 37 წელი გრძელდება, გადაწყვეტილებები, რომელიც გუშინ იქნა მიღებული, იმ სტილშია და ძალიან სამწუხაროა, რომ დირექტორს, ქალბატონ თინას [ბერძენიშვილს] მიაჩნდა, რომ მისი საქმე არ იყო ჩონჩხებზე ცეკვა, როგორც ჩანს, მოსწონს ეს საქმიანობა, მან უნდა იცოდეს, ვინც ჩონჩხებზე ცეკვავს, პოლიტიკური მოტივებით გადაწყვეტილებებს იღებს და ადამიანების თავებზე გადადის, რა თქმა უნდა, ამას შედეგი მოჰყვება, მან ეს ძალიან კარგად უნდა იცოდეს. სამწუხაროა, რომ ეს გადაწყვეტილებები მიიღო, მაგრამ უნდა იცოდეს, რომ ამას პასუხი და პასუხისგება მოჰყვება. ეს არ არის ისეთი ტიპის გადაწყვეტილება, რომელიც ყველას დაავიწყდება. არავის დაავიწყდება ის, რაც სამწუხაროდ, გუშინ გაკეთდა“, - განაცხადა ტუღუშმა.
პირველად ევროპის გრან-პრიზე მშვილდოსნობაში საქართველომ ოქროს მედალი მოიპოვა
ეროვნულმა ნაკრებმა კონტაქტურ კარატეში ევროპის ჩემპიონატზე ორი მედალი მოიპოვა
სპორტის სამინისტროსთვის ავტომობილების პირველი კლასის მოდელები შეიძინეს - სულ 440 ათას ლარზე მეტის
18 ჟურნალისტი და ოპერატორი მორალური ზიანის ანაზღაურებას ითხოვს - სარჩელის განხილვა ხვალ იწყება
|
რედაქტორის რჩევით
პუტინმა ბევრი ამერიკელი პრეზიდენტი გააცურა, ტრამპი ყველაზე მეტად
![]() ვატიკანმა პროტოკოლი დაარღვია და ზელენსკის პაპის დაკრძალვაზე პირველი რიგის ადგილი დაუთმო
ომი უკრაინაშიკურსკის ოპერაცია ჯერ არ დასრულებულა: DeepState ბრძოლებზე საუბრობს (რუკა)
![]() რუსები დნეპროპეტროვსკის ოლქს დრონებით დაესხნენ თავს - არის მსხვერპლი
ვიდეო/LIVE გახარიას გამოკითხვა წულუკიანის კომისიაში
![]() როგორ აჯარიმებს მოქალაქეებს შსს როგორც სატრანსპორტო საშუალელბას - ანუ რეჟიმის ჩამოშლის ნიშნები
მთავარი თემა
|