ფილიპინები ამერიკულ საქონელზე იმპორტის გადასახადის შემცირებას განიხილავს მას შემდეგ, რაც აშშ-ს პრეზიდენტმა დონალდ ტრამპმა 2 აპრილს 180-ზე მეტ ქვეყანას და მათ შორის, ფილიპინებს ტარიფები დაუწესა. ინფორმაციას Bloomberg ავრცელებს. 

ფილიპინურ იმპორტზე აშშ-ს "საბაზისო", 10%-იანი ტარიფი ძალაში 5 აპრილს შევიდა. 9 აპრილს კი, ფილიპინებს დამატებით 18%-იანი ტარიფი დაუწესდება, ჯამში 28%. 

იმის შესახებ, რომ ფილიპინები ამერიკულ იმპორტზე ტარიფის შემცირებას განიხილავს, ქვეყნის ვაჭრობის მინისტრმა ქრისტინა როქმა განაცხადა. 

"ჩვენ ამის გაკეთებას მართლაც ვაპირებთ". - განაცხადა მინისტრმა რეპორტიორის შეკითხვაზე, აპირებდა თუ არა მთავრობა აშშ-დან შემოსულ იმპორტულ პროდუქციაზე ტარიფების შემცირებას. 

როქმა არ დააკონკრეტა, თუ რა სახის იმპორტისთვის ან პროდუქტისთვის შემცირდება ტარიფები. 

მინისტრის განცხადებით, ფილიპინები ასევე განიხილავს სამხრეთ-აღმოსავლეთ აზიური ქვეყნების ასოციაციასთან შეერთებას აშშ-ს ტარიფების საპასუხო ზომების ერთობლივად მისაღებად. 

ცნობისთვის, აშშ-ს პრეზიდენტმა დონალდ ტრამპმა 2 აპრილს ათეულობით სავაჭრო პარტნიორი სახელმწიფოს წინააღმდეგ "საპასუხო ტარიფები" გამოაცხადა, რის მიზეზადაც მან წლობით არსებული "არასამართლიანი სავაჭრო პრაქტიკები" დაასახელა. 

ტრამპის გადაწყვეტილებით, აშშ ყველა სახელმწიფოს, მათ შორის, საქართველოსაც, საბაზისო, 10%-იან ტარიფს დაუწესებს, ხოლო ზოგიერთი მათგანისთვის უფრო მკაცრი ტარიფებია გათვალისწინებული, მათ შორის, დამატებით 34%-იანი ტარიფი ჩინეთზე, 20%-იანი ევროკავშირზე, 46%-იანი ვიეტნამზე და 32%-იანი ტარიფი ტაივანზე.

"საბაზისო" 10%-იანი ტარიფები ძალაში 5 აპრილს შევიდა. 9 აპრილიდან ძალაში შევა აშშ-ს 50-მდე უმსხვილეს პარტნიორზე დაწესებული უფრო მკაცრი ტარიფები. 

ავტორი: ექსპრესნიუსი,

სოციალური ქსელები

ბრიტანეთის თავდაცვის მინისტრი - დღეს უკრაინას მილიარდებს დავპირდებით

თიბისი Microsoft-ის საერთაშორისო AI აქსელერაციის მხარდამჭერია – სტარტაპებისთვის რეგისტრაცია დაიწყო

თეონა აქუბარდია - 20 ივნისის საქმის გამოძიება პროპაგანდისტული მიზნით ხდება, ფულისა და ძალაუფლების შესანარჩუნებლად

რუსეთის საგარეო - რუსეთსა და უკრაინას შორის მიმოწერის არხი შეიქმნა