გამოცემა Politico წერს, რომ გერმანიის მომავალი კანცლერის, ფრიდრიხ მერცის პარტია ქრისტიან-დემოკრატიული გაერთიანება და სამთავრობო კოალიციაში მათი სავარაუდო პარტნიორები, სოციალ-დემოკრატები შეთანხმდნენ, რომ ევროკავშირში მხარი დაუჭირონ დაფინანსებისა და ხმის მიცემის უფლების შეჩერებას იმ ქვეყნებისთვის, რომლებიც კავშირის საკვანძო პრინციპებს, მაგალითად კანონის უზენაესობას, არღვევენ. 

Politico წერს, რომ შეთანხმებაში უნგრეთი ნახსენები არ არის, თუმცა "აშკარად" მასზე მიუთითებს. 

ამის შესახებ გამოცემა კოალიციაზე შეთანხმების მათ მიერ მოპოვებულ მონახაზზე დაყრდნობით წერს.

"არსებული დამცავი ინსტრუმენტები, დარღვევების შესახებ საქმეებით და EU-ს ფინანსებზე უარის თქმით დაწყებული და წევრობის უფლებების, მაგალითად ევროკავშირის საბჭოში ხმის მიცემის, შეზღუდვით დამთავრებული, იმაზე უფრო თანმიმდევრულად უნდა იყოს გამოყენებული, ვიდრე აქამდე". - წერია დოკუმენტში POLITICO-ს თანახმად. 

როგორც გამოცემა იტყობინება, ვეტოს უფლებისთვის თავის ასარიდებლად გერმანიის მომავალ მთავრობას სურს, რომ "მხარი დაუჭიროს კვალიფიციური უმრავლესობის გაფართოებას ევროკავშირის საბჭოში, კერძოდ საერთო საგარეო და უსაფრთხოების პოლიტიკის კონკრეტულ საკითხებზე, მაგალითად სანქციების დაწესებაზე". 

გარდა ამისა, სამთავრობო კოალიციაზე მოლაპარაკებების ფარგლებში მხარეებმა პირობა დადეს, რომ ევროპაში უფრო აქტიურ როლს შეასრულებენ ვაიმარის სამკუთხედის, საფრანგეთს, გერმანიასა და პოლონეთს შორის ალიანსის, გამოყენებით. 

გერმანელი კონსერვატორებისა და სოციალ-დემოკრატების მაღალი რანგის წარმომადგენლებმა სამთავრობო კოალიციის შესახებ გაცნობითი მოლაპარკებები 28 თებერვალს დაიწყეს. მთავრობის ჩამოყალიბებამდე პარტიები საერთო კურსზე უნდა შეთანხმდნენ. 

ევროკავშირის წევრი ქვეყნები წლებია უნგრეთს დემოკრატიული ნორმების დარღვევასა და პრესის თავისუფლებისა და მოსამართლეების დამოუკიდებლობის შეზღუდვაში ადანაშაულებენ. 

2018 წელს ევროპარლამენტმა უნგრეთის წინააღმდეგ ევროკავშირის ღირებულებების დარღვევის გამო მე-7 მუხლით გათვალისწინებული ხმის უფლების ჩამორთმევის პროცესი დაიწყო. თუმცა, პროცესი წევრ სახელმწიფოებს შორის პოლიტიკური უთანხმოებების გამო გაჩერდა და წინ ვერ წაიწია. 

2022 წელს ევროკომისიამ უნგრეთს ევროკავშირიდან 22 მილიარდი ევროს ღირებულების დაფინანსება შეუჩერა, თუმცა გასულ წელს 10 მილიარდ ევროზე მეტი აღუდგინა. 

ავტორი: ექსპრესნიუსი,

სოციალური ქსელები

გაერო - შეშფოთებული ვართ შემზღუდავი კანონებით, საქართველოს მოვუწოდებთ, დაიცვას ვალდებულებები

რუსთაველის გამზირზე საპროტესტო აქცია განახლდა

„სოფლის ნობათის“ იმპორტირებული რძის ხუთი ნიმუშის ბაზრიდან ამოღება და დალუქვა მიმდინარეობს

The Economist-მა გამოაქვეყნა ყდა ტრამპისა და მისი ტარიფების კარიკატურით