საუდის არაბეთში აშშ-სა და რუსეთს შორის მიმდინარე მოლაპარაკებების პარალელურად, კრემლის პრესსპიკერმა, დიმიტრი პესკოვმა ყოველდღიურ ბრიფინგზე რამდენიმე განცხადება გააკეთა.

როგორც პესკოვი ამბობს, მხარეები შეხვედრაზე ე.წ. შავი ზღვის ინიციატივას განიხილავენ, რომელიც შავ ზღვაში სატვირთო გემების უსაფრთხო გადაადგილებას გულისხმობს. პრესსპიკერის თქმით, პუტინს დაუყონებლივ შეატყობინებენ ერ-რიადში მოლაპარაკებების შედეგებს.

გარდა ამისა, კრემლის პრესსპიკერის მტკიცებით, ვლადიმირ პუტინს არ გაუუქმებია ბრძანება შეწყდეს იერიშები ენერგეტიკის ობიექტებზე. პესკოვის აზრით, შეთანხმებას უკრაინის შეიარაღებული ძალები არღვევს.

"აშშ-ს ეძლევა შესაძლებლობა თვალი ადევნოს ენერგოსტრუქტურაზე ცეცხლის არ მიტანის შეთანხმების დარღვევას და თავად გააკეთოს დასკვნები". – თქვა პესკოვმა.

რუსეთისა და აშშ-ს ბოლო შეხვედრის შემდეგ პუტინმა თქვა, რომ ენერგო ინფრასტრუქტურაზე იერიშები შეწყდება, თუმცა განცხადებიდან ერთ დღეში რუსეთმა იერიშის მიიტანა უკრაინის რკინიგზის ელექტრო სადგურზე.

ავტორი: ექსპრესნიუსი,

სოციალური ქსელები

ზელენსკის განცხადებით, ტრამპმა უკრაინას უღალატა

აშშ-ის კონგრესმენები უკრაინისთვის Starlink-ისა და დაზვერვის შეზღუდვას მკაცრად გმობენ

ქართველ ხალხთან უკვე დამარცხებული ბიძინა ივანიშვილის პოლიტიკური გუნდი ცდილობს აკრძალოს არა პარტიები, არამედ ქართველი ხალხის არჩევანი – ძლიერი საქართველო

საქართველოს ევროპული მომავლის წინააღმდეგ მიღებული გადაწყვეტილებაა - თევზაძე სარჩელზე