აშშ-ს პრეზიდენტის, დონალდ ტრამპის ადმინისტრაციამ განაცხადა, რომ ნახევარ მილიონზე კუბელ, ჰაიტიელ, ნიკარაგუელ და ვენესუელელ იმიგრანტს ლეგალურ სტატუსს შეუჩერებს. 

იმიგრანტებს შეატყობინეს, რომ მათ ქვეყანა ნებართვის ვადის ამოწურვამდე უნდა დატოვონ, ხოლო დეპორტაცია, აშშ-ს არდატოვების შემთხვევაში, მათ 24 აპრილიდან დაემუქრებათ. 

530 000 იმიგრანტი, რომლებსაც ლეგალური სტატუსი გაუუქმდებათ, აშშ-ში ბაიდენის ადმინისტრაციის პერიოდში, CHNV-ის (Parole for Cubans, Haitians, Nicaraguans, and Venezuelans) პროგრამის ფარგლებში შემოვიდნენ. პროგრამა მათ საშუალებას აძლევდა, აშშ-ში ლეგალური სტატუსით მაქსიმუმ 2 წლის განმავლობაში დარჩენილიყვნენ, თუ ამერიკელი მოქალაქე მათ ფინანსურ დახმარებაზე დათანხმდებოდა. 

პროგრამა შემდეგმა პრეზიდენტმა დონალდ ტრამპმა ინაუგურაციის დღესვე, 20 იანვარს აღმასრულებელი ბრძანების ხელმოწერით გააუქმა. 

უცნობია, თუ რამდენმა იმიგრანტმა შეძლო სხვა სტატუსის მოპოვება, რაც საშუალებას მისცემდა მათ, აშშ-ში ლეგალურად დარჩენილიყვნენ. 

CHNV-ის პროგრამა თავდაპირველად 2022 წელს ვენესუელელებისთვის შეიქმნა, ხოლო შემდეგ ზემოხსენებულ სხვა 3 ქვეყანაზეც გავრცელდა. 

პროგრამა უფლებას აძლევდა იმიგრანტებსა და მათ უახლოესი ოჯახის წევრებს აშშ-ში ჩასულიყვნენ, თუ მათ ამერიკელი სპონსორიც ჰყავდათ და ქვეყანაში ლეგალური იმიგრანტის დროებითი სტატუსის ქვეშ მაქსიმუმ 2 წლის განმავლობაში დარჩენილიყვნენ. პროგრამის მიზანი არალეგალური მიგრაციის შემცირება, მექსიკასთან საზღვრის დაცულობის გაუმჯობესება და იმიგრანტებისთვის ჰუმანიტარული დახმარების შეთავაზება იყო. 

აშშ-ს ეროვნული უსაფრთხოების დეპარტამენტმა 21 მარტს განცხადება გამოაქვეყნა, რომელშიც ნათქვამია, რომ ბაიდენის ადმინისტრაციის პროგრამამ დასახულ მიზნებს ვერ მიაღწია. 

"[ბაიდენის ადმინისტრაციის მაღალჩინოსნებმა იმიგრანტებს] შესაძლებლობა მისცეს, რომ ამერიკული სამუშაო ადგილებისთვის [ამერიკელებს] შეჯიბრებოდნენ და დაეკნინებინათ ამერიკელი მუშახელი; მათ აიძულეს საჯარო მოხელეები, რომ ხელი შეეწყოთ პროგრამებისთვის მაშინაც კი, როდესაც თაღლითობა გამოვლინდა; მათ კონგრესში რესპუბლიკელებს დააბრალეს ქაოსისა და კრიმინალის ზრდა, რაც ამან გამოიწვია". - BBC-ის ცნობით, წერია დეპარტამენტის განცხადებაში. 

გამოცემის ცნობითვე, ტრამპი დროებითი ლეგალური სტატუსის შეჩერებას განიხილავს 240 000 უკრაინელისთვისაც, რომლებიც აშშ-ში ომის დაწყების შემდეგ ჩავიდნენ. 

ავტორი: ექსპრესნიუსი,

სოციალური ქსელები

ზელენსკის განცხადებით, ტრამპმა უკრაინას უღალატა

აშშ-ის კონგრესმენები უკრაინისთვის Starlink-ისა და დაზვერვის შეზღუდვას მკაცრად გმობენ

ქართველ ხალხთან უკვე დამარცხებული ბიძინა ივანიშვილის პოლიტიკური გუნდი ცდილობს აკრძალოს არა პარტიები, არამედ ქართველი ხალხის არჩევანი – ძლიერი საქართველო

საქართველოს ევროპული მომავლის წინააღმდეგ მიღებული გადაწყვეტილებაა - თევზაძე სარჩელზე