თალიბანმა ორწლიანი პატიმრობიდან მძევლად აყვანილი 65 წლის ამერიკელი ჯორჯ გლეზმანი გაათავისუფლა მას შემდეგ, რაც ქაბულში მძევლების საკითხებში ტრამპის სპეციალურმა წარმომადგენელმა ადამ ბოულერმა თალიბანის მაღალჩინოსნებთან მოლაპარაკებები გამართა. 

გლეზმანის ადვოკატის დენის ფიცპატრიკის თქმით, იგი 2022 წლის დეკემბერში თალიბანმა ქაბულში ჩასვლიდან 2 დღეში დააკავა.

გლეზმანი ავიახაზების მექანიკოსობასთან ერთად გამოცდილი მოგზაურიც იყო, რომელიც 100-ზე მეტ ქვეყანაში იყო ჩასული. ფიცპატრიკის თქმით, გლეზმანი ხშირად იყენებდა Delta-ს ავიახაზების პრივილეგიებს სამოგზაუროდ.

თალიბანის ტყვეობიდან გლეზმანის გათავისუფლებას X-ზე აშშ-ს სახელმწიფო მდივანი მარკო რუბიოც გამოეხმაურა.

"ჯორჯ გლეზმანი თავისუფალია. ჯორჯი არასამართლიანად დააკავეს ავღანეთში ორ-ნახევარი წლით, მაგრამ ის ახლა თავის გზაზეა, რომ ისევ შეხვდეს თავის ცოლ ალექსანდრას. კეთილი იყოს სახლში დაბრუნება ჯორჯ!". - დაწერა რუბიომ. 

იანვრის თვეში ალექსანდრამ Channel 2-თან საუბრისას თქვა, რომ ტრამპის ადმინისტრაცია მას ინაუგურაციიდან ორ დღეში დაუკავშირდა. "ამან ხაზი გაუსვა მის [ტრამპის] ერთგულებას ჩემი ქმრის საკითხის მიმართ და ამისთვის ნამდვილად მადლობელი ვარ". - თქვა მან.

ავტორი: ექსპრესნიუსი,

სოციალური ქსელები

ზელენსკის განცხადებით, ტრამპმა უკრაინას უღალატა

აშშ-ის კონგრესმენები უკრაინისთვის Starlink-ისა და დაზვერვის შეზღუდვას მკაცრად გმობენ

ქართველ ხალხთან უკვე დამარცხებული ბიძინა ივანიშვილის პოლიტიკური გუნდი ცდილობს აკრძალოს არა პარტიები, არამედ ქართველი ხალხის არჩევანი – ძლიერი საქართველო

საქართველოს ევროპული მომავლის წინააღმდეგ მიღებული გადაწყვეტილებაა - თევზაძე სარჩელზე