იტალიის პრემიერმა, ჯორჯია მელონიმ NATO-ს მეხუთე მუხლის უკრაინაზე გავრცელებისკენ ალიანსის წევრებს კიდევ ერთხელ მოუწოდა და აღნიშნა, რომ ეს გამოავლენს, თუ რამდენად სერიოზულად უყურებს რუსეთი მშვიდობას.

"NATO-ს მეხუთე მუხლის უკრაინაზე გავრცელება ყველაზე მარტივი და ეფექტური გამოსავალია, მათ შორის, იმიტომ, რომ ეს ხელს შეუწყობს [რუსეთის მხრიდან] შესაძლო ბლეფის გამოვლენას.

თუ რუსეთი არ გეგმავს თავის მეზობელ ქვეყნებში კვლავ შეჭრას, მაშინ გაუგებარია, რატომ არ უნდა მიიღონ უსაფრთხოების გარანტიები, რომლებიც მხოლოდ თავდაცვითია". - თქვა მელონიმ.

ამასთან, იტალიის პრემიერის თქმით, უკრაინაზე NATO-ს მეხუთე მუხლის გავრცელება მოლაპარაკებების დროს უნდა იყოს განხილული.

"მონურად არ უნდა მივყვეთ სხვების წინადადებებს მხოლოდ იმიტომ, რომ გადავწყვიტოთ, რა არის ჩვენი პოზიცია. ჩვენი როლი მდგომარეობს იმაში, რომ მონაწილეობა მივიღოთ საკუთარი წინადადებებით". - დაამატა მელონიმ.

უკრაინაზე NATO-ს მეხუთე მუხლის გავრცელების შესახებ მელონიმ პირველად 6 მარტს ისაუბრა. მისი თქმით, ეს შესაძლებლობას მისცემს კიევს მიიღოს უსაფრთხოების გარანტიები ალიანსში გაწევრიანების გარეშე.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს