პარტია „ახალის“ ლიდერის, ნიკა გვარამიას განცხადებით, მიხეილ სააკაშვილი უნდა გათავისუფლდეს, მაგრამ ამას სჭირდება რეჟიმის შეცვლა.

„ნაციონალური მოძრაობის“ განცხადებებზე კომენტარს არ გავაკეთებ, ეს არაა ჩემი არც ინტერესი და არც კომპეტენცია. სააკაშვილი არის ამ ქვეყნის ნომერი ერთი პოლიტპატიმარი მთელი დამოუკიდებელი საქართველოს ისტორიაში და ის უნდა გათავისუფლდეს, მაგრამ ამას სჭირდება რეჟიმის შეცვლა, სხვა გამოსავალი უბრალოდ არ არსებობს. ისაა მძევალი. მძევლების გათავისუფლება ხდება ტერორისტების სივრციდან გაწევით“, – განაცხადა ნიკა გვარამიამ.

რაც შეეხება სალომე ზურაბიშვილის მიმართ „ნაციონალური მოძრაობის“ წარმომადგენლების მხრიდან კრიტიკას, გვარამიას თქმით, სხვა ოპოზიციური პარტიების კრიტიკა ზურაბიშვილის მიმართ არ აღელვებს, რადგან მთავარია, ერთად აკეთონ საერთო საქმე. ნიკა გვარამიას განმარტებით, ზურაბიშვილი არის უმნიშვნელოვანესი ინსტრუმენტი ამ ქვეყნის გადარჩენისთვის.

„სალომე ზურაბიშვილი ყველას ერთად კი არ შეგვიყვარდა, სალომე ზურაბიშვილი არის უმნიშვნელოვანესი ინსტრუმენტი ამ ქვეყნის გადარჩენისთვის და შესაძლოა, გადამწყვეტი. ჩვენ, როგორც ამ ქვეყნის პოლიტიკური პარტიები, პატრიოტები და მოქალაქეები ამაზე უარს არ ვიტყვით. ეს მანაც იცის, ჩვენ ახლო მეგობრები არ ვართ, არცერთი პოლიტიკური პარტიის წევრები და არც ვიქნებით. სხვა ოპოზიციური პარტიების კრიტიკა ზურაბიშვილის მიმართ არ მაღელვებს, მთავარია, ერთი საქმე გავაკეთოთ ერთად“, – აღნიშნა ნიკა გვარამიამ.

ავტორი: ექსპრესნიუსი,

სოციალური ქსელები

ზელენსკი - პუტინს სურს განახორციელოს რამდენიმე შეტევითი მოქმედება ზაპოროჟიას მიმართულებით, აღმოსავლეთში, ხარკოვისა და სუმის მიმართულებით

ტრამპი - პუტინთან შევთანხმდით, რომ ჩვენ სწრაფად ვიმუშავებთ ცეცხლის სრულ შეწყვეტაზე

თეთრი სახლი მშვიდობის დამყარების შემდეგ რუსეთთან უზარმაზარ ეკონომიკურ გარიგებებს აცხადებს

თეთრი სახლი ტრამპ-პუტინის საუბრის შემდეგ განცხადებას ავრცელებს