ისრაელის პრემიერ-მინისტრის, ბენიამინ ნეთანიაჰუს განცხადებით, მან და თავდაცვის მინისტრმა ისრაელ კაცმა სამხედროებს დაავალეს, რომ ღაზაში „ჰამასის“ წინააღმდეგ მკაცრი ქმედებები გაეტარებინათ.

„პრემიერ-მინისტრმა ბენიამინ ნეთანიაჰუმ და თავდაცვის მინისტრმა ისრაელ კაცმა ისრაელის თავდაცვის ძალებს ღაზას სექტორში ტერორისტული ორგანიზაცია „ჰამასის“ წინააღმდეგ მკაცრი ზომების მიღება დაავალეს. ეს მოჰყვა „ჰამასის“ არაერთ უარს ჩვენი მძევლების გათავისუფლებაზე, ისევე როგორც ყველა იმ წინადადებაზე, რომელიც მან მიიღო აშშ-ის პრეზიდენტის წარმომადგენლის სტივ ვიტკოფისა და შუამავლებისგან“, - აღნიშნულია ნეთანიაჰუს ოფისის განცხადებაში.

ისრაელის პრემიერის ოფისში აცხადებენ, რომ თავდაცვის ძალები ღაზაში „ჰამასის“ ობიექტებს ურტყამს, რათა ომის მიზნებს მიაღწიოს.

„ისრაელის თავდაცვის ძალები ღაზას სექტორში ტერორისტული ორგანიზაცია „ჰამასის“ ობიექტებს უტევს, რათა მიაღწიოს ომის მიზნებს, როგორც ეს განსაზღვრულია პოლიტიკური ეშელონის მიერ, მათ შორის ჩვენი მძევლების, როგორც ცოცხლების, ასევე გარდაცვლილების, გათავისუფლებას. ისრაელი, ამიერიდან, „ჰამასის“ წინააღმდეგ მზარდი სამხედრო ძალით იმოქმედებს“, - აღნიშნულია განცხადებაში.

ბენიამინ ნეთანიაჰუს ოფისში აცხადებენ, რომ ისრაელის თავდაცვის ძალებმა ოპერატიული გეგმა შაბათ-კვირას წარადგინა და პოლიტიკურმა ხელმძღვანელობამ დაამტკიცა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს