კოორდინაცია კარგია, მაგრამ ჩვენ დროებითი კოორდინაციები არ გვჭირდება - გამარჯვებისთვის ნამდვილი ერთიანობის ჩვენება გვჭირდება, - ამის შესახებ „სტრატეგია აღმაშენებლის“ გენერალურმა მდივანმა, პაატა მანჯგალაძემ ჟურნალისტებთან საქართველოს მეხუთე პრეზიდენტის, სალომე ზურაბიშვილის განცხადების შეფასებისას განაცხადა.

მისი თქმით, კოორდინაცია ძალიან მნიშვნელოვანია.

„სტრატეგია აღმაშენებელი“ ერთიანობის მხარდამჭერებად ვრჩებით. კოორდინაცია კარგია, მაგრამ ჩვენ დროებითი კოორდინაციები არ გვჭირდება. გამარჯვებისთვის ნამდვილი ერთიანობის ჩვენება გვჭირდება. ერთ მხარეს არიან „ქოცები“ და მეორე მხარეს საქართველოს პატრიოტები. ჩვენ ასეთ ერთიანობას ვუჭერთ მხარს, თუმცა რა თქმა უნდა, კოორდინაცია ძალიან მნიშვნელოვანია“, - განაცხადა მანჯგალაძემ.

მისი თქმით, „სტრატეგია აღმაშენებლისთვის“ მთავარია როგორ მიაღწიონ ვადამდელ საპარლამენტო არჩევნებს.

„ხშირად არის საუბარი თვითმმართველობის არჩევნებზე. „სტრატეგია აღმაშენებლისთვის“ მთავარი ის კი არ არის არჩევნებზე რას გავაკეთებთ, არამედ მთავარია როგორ ვაღწევთ ვადამდელ საპარლამენტო არჩევნებს. სამი ძირითადი კომპონენტი არსებობს და ჩვენ ამ მიმართულებით ვმუშაობთ:

ერთი - პროტესტი არ უნდა შეწყდეს და პირიქით, 31 მარტიდან მასშტაბები და ფორმები უნდა გაიზარდოს; მეორე საკითხი - საერთაშორისო სანქციები გახდეს უფრო მასშტაბური და უფრო მეტ ადამიანს შეეხოს, ვინც საქართველოს მოქალაქეებზე ძალადობს. მესამე - დისკომფორტი უნდა შეექმნას რეჟიმის მოძალადეებს. ქვეყნის შიგნითაც იზოლაცია, რომ საბოლოო ჯამში ამ სამმა კომპონენტმა მოიტანოს ის, რომ რეჟიმს ხალხთან კომპრომისი მოუწიოს“, - განაცხადა მანჯგალაძემ.

ცნობისთვის, საქართველოს მეხუთე პრეზიდენტმა, სალომე ზურაბიშვილმა რეგიონულ მაუწყებელთა ალიანსთან ინტერვიუში განაცხადა, რომ მისი „მიზანი ოპოზიციის გაერთიანება არასოდეს არ ყოფილა.“

მისი თქმით, ამზადებს „ძლიერ კოორდინაციას”, რომელიც უძლებს ყველაფერს, ხოლო „ყალბი გაერთიანება არის ყველაზე მოწყვლადი“.

„მე ვამზადებ, და ვარ საკმაოდ ოპტიმისტური ამ მიმართულებით, ძლიერ კოორდინაციას. ძლიერი კოორდინაცია არის ის, რაც უძლებს ყველაფერს და ყალბი გაერთიანება არის ყველაზე მოწყვლადი. უნდა ვიცოდეთ, რა გვინდა რეალურად, გვინდა ძლიერი კოორდინაცია არამხოლოდ პოლიტიკური პარტიების, ასევე ამ საზოგადოების, რომელიც არის წამყვანი ამ პროტესტში დღეს და რომელსაც უნდა ჰქონდეს თავისი ადგილი ამ კოორდინაციაში“, - განაცხადა ზურაბიშვილმა ინტერვიუში.

ავტორი: ექსპრესნიუსი,

სოციალური ქსელები

„ყველგან ქაოსია“- რუსული ელიტა 90-იანი წლების შემდეგ ყველაზე ძლიერ განხეთქილებაში მოექცა

ზელენსკიმ განაცხადა, რომ 9 მაისს მოსკოვში აღლუმის ჩატარება უკრაინის არმიაზეა დამოკიდებული

მაგნიტსკის აქტის ინიციატორი ბილ ბრაუდერი დიდ ბრიტანეთს ივანიშვილის დასანქცირებისკენ მოუწოდებს

ლელო - რეფინანსირების განაკვეთის გაზრდა დარტყმაა ასობით ათასი საქართველოს მოქალაქისთვის