შევთანხმდით, რომ უკრაინას თავის დაცვა და მომავალი რუსული აგრესიის შეკავება უნდა შეეძლოს, - ამის შესახებ დიდი ბრიტანეთის პრემიერ-მინისტრმა, ე.წ. „მსურველთა კოალიციის“ ვირტუალური შეხვედრის დასრულების შემდეგ გამართულ პრესკონფერენციაზე განაცხადა

„ჩვენ კიდევ ერთხელ დავადასტურეთ ჩვენი ერთგულება უკრაინის ხანგრძლივი უსაფრთხოების მიმართ და შევთანხმდით, რომ უკრაინას თავის დაცვა და მომავალი რუსული აგრესიის შეკავება უნდა შეეძლოს. შევთანხმდით, რომ ბურთი ახლა რუსეთის მოედანზეა და პრეზიდენტმა პუტინმა უნდა დაამტკიცოს, რომ მშვიდობის მიმართ სერიოზულად არის განწყობილი და ცეცხლის შეწყვეტის შეთანხმებას თანაბარი პირობებით ხელი მოაწეროს. პრეზიდენტ ტრამპის ცეცხლის შეწყვეტის წინადადების შესახებ კრემლის მერყეობა და დროის გაჭიანურება, რუსეთის მხრიდან ბარბაროსული შეტევები, მშვიდობის შესახებ პრეზიდენტ პუტინის გაცხადებულ სურვილს სრულიად ეწინააღმდეგება“, - განაცხადა კირ სტარმერმა.

კირ სტარმერის ცნობით, ხუთშაბათს კოალიციის სამხედრო მეთაურები ლონდონში შეიკრიბებიან და უკრაინის მომავალი უსაფრთხოების მხარდასაჭერად პრაქტიკულ გეგმებს განიხილავენ.

„ჩვენ უკრაინის თავდაცვის შესაძლებლობებსა და შეიარაღებულ ძალებს გავაძლიერებთ და მზად ვიქნებით სამშვიდობო შეთანხმების შემთხვევაში „მსურველთა კოალიციის“ სამშვიდობოები განვათავსოთ, რათა ხმელეთზე, ზღვასა და ჰაერში უკრაინის დაცვა უზრუნველვყოთ“, - აღნიშნა დიდი ბრიტანეთის პრემიერ-მინისტრმა.

ავტორი: ექსპრესნიუსი,

სოციალური ქსელები

სეს - საბავშვო ბაღებიდან აღებულ სურსათის ნიმუშებში დარღვევა არ გამოვლინდა

არგენტინიდან საქართველოში ექსტრადირებულია პირი, რომელიც აშშ-ში თავშესაფრის მისაღებად საჭირო ყალბი საქმეების დამზადების საქმეში ფიგურირებს

მიხეილ სარჯველაძის განცხადებით, ფსიქოტროპული მედიკამენტების 2-კვირიანი მარაგით გამოწერის წესში შეღავათები შევა

აშშ-ის დაზვერვის წარმომადგენლებმა უკრაინასთან დაზვერვის ინფორმაციის გაზიარების „დაუყოვნებლივ“ შეწყვეტით იმუქრებოდნენ