CBS News-ის ინფორმაციით, ტრამპის ადმინისტრაცია, აშშ-ს გადახდების სისტემებზე რუსეთისთვის წვდომის შემდგომი შეზღუდვით, რუსულ ნავთობზე, ბუნებრივ აირსა და საბანკო სექტორებზე დაწესებულ სანქციებს ამკაცრებს. ინფორმაციას ამერიკული სატელევიზიო მაუწყებელი საკითხზე ინფორმირებულ 4 ანონიმურ პირზე დაყრდნობით ავრცელებს. 

ბაიდენის ადმინისტრაციამ ტრამპის გაპრეზიდენტებამდე კონკრეტულ რუსულ ბანკებს 60 დღის ვადით შეზღუდვები მოუხსნა, რითაც მათ საშუალება მისცა, გაეგრძელებინათ ენერგეტიკასთან დაკავშირებული ტრანზაქციების განხორციელება. 

CBS-ის ცნობით, 12 მარტს აღნიშნულ 60-დღიან პაუზას ვადა გაუვიდა, ხოლო აშშ-ს სახაზინო დეპარტამენტმა პაუზა არ განაახლა. შედეგად, სანქცირებულ რუსულ ბანკებს, სავარაუდოდ, აღარ ექნებათ წვდომა აშშ-ს გადახდის სისტემებთან, რათა მნიშნველოვანი ენერგო ტრანზაქციები განახორციელონ. 

იმ რუსულ ფინანსურ ინსტიტუტებს შორის, რომლებზეც დაწესებული შეზღუდვები ბაიდენის ადმინისტრაციამ 60 დღით შეაჩერა, არიან Vnesheconombank, Bank Financial Corporation Otkritie, Sovcombank, Sberbank, VTB Bank, Alfa-Bank, Rosbank, Bank Zenit, Bank Saint-Petersburg და რუსეთის ცენტრალური ბანკი.

გადაწყვეტილება, რომ კიდევ უფრო შეიზღუდოს ამერიკულ საბანკო სისტემებზე წვდომა, როგორც CBS წერს, სხვა ქვეყნებსაც გაურთულებს რუსული ნავთობის შესყიდვას, შესაბამისად, შეზღუდავს მის გლობალურ მიწოდებას. მაუწყებლის თანახმად, ამან შესაძლოა ბარელი ნავთობის ფასი 5 დოლარამდე გაზარდოს, რაც ბოლო კვირების განმავლობაში შემცირებული ფასების ფონზე, მკვეთრი ზრდა იქნება.

თუმცაღა, შეზღუდვების გამკაცრებას ტრამპის ადმინისტრაცია შესაძლოა, უკრაინაში მიმდინარე ომთან დაკავშირებით ბერკეტად იყენებდეს, რათა დაარწმუნოს რუსეთი, რომ 30-დღიანი ცეცხლის შეწყვეტის წინადადების პირობებს დათანხმდეს. აშშ-ს პრეზიდენტმა დონალდ ტრამპმა 13 მარტს განაცხადა, რომ ამერიკელი ოფიციალური პირები "პრეზიდენტ პუტინსა და სხვებს" ხვდებიან და "ძალიან სერიოზული საუბრები" აქვთ. 

ავტორი: ექსპრესნიუსი,

სოციალური ქსელები

დანიის საგარეო საქმეთა მინისტრი - გრენლანდია არ არის ღია ანექსიისთვის

ანატოლი გიგაური პატიმრობაში რჩება

ურსულა ფონ დერ ლაიენი - ევროკავშირი რუსეთზე ზეწოლას აძლიერებს, ვახანგრძლივებთ სანქციებს 2 400-მდე ფიზიკური პირისა და ორგანიზაციის წინააღმდეგ

ფინეთის სასამართლომ რუსეთის მოქალაქეს უკრაინაში ომის დანაშაულების გამო, უვადო პატიმრობა მიუსაჯა