ქვეყანაში მოსახლეობის მდგომარეობის შესახებ დაზუსტებული და ხარისხიანი მონაცემების გასაუმჯობესებლად და მათზე ხელმისაწვდომობისა და საჭიროებების შეფასების მიზნით, 11 მარტს, გაეროს მოსახლეობის ფონდის (UNFPA) ორგანიზებით სამუშაო შეხვედრა გაიმართა. ამის შესახებ ინფორმაციას გაეროს მოსახლეობის ფონდი ავრცელებს.

მათივე ცნობით, შეხვედრის მონაწილეებს სიტყვით მიმართეს UNFPA-ის საქართველოს ოფისის ხელმძღვანელმა მარიამ ბანძელაძემ, გაეროს ევროპის ეკონომიკური კომისიის (UNECE) მოსახლეობის განყოფილების უფროსმა ლიზა უორტმა და საქართველოს ოკუპირებული ტერიტორიებიდან იძულებით გადაადგილებულ პირთა, შრომის, ჯანმრთელობისა და სოციალური დაცვის სამინისტროს ჯანდაცვის პოლიტიკის სამმართველოს უფროსმა ქეთევან გოგინაშვილმა.

როგორც გავრცელებულ ინფორმაციაშია ნათქვამი, საქართველოში თითქმის ყოველი მეექვსე მოქალაქე 65 წელზე მეტი ასაკისაა.

„UNECE-ს კონსულტანტმა თენგიზ ცეკვავამ კი მონაწილეებს გააცნო მოსახლეობის დაბერებასთან დაკავშირებულ მონაცემებზე ხელმისაწვდომობისა და საჭიროებების შეფასების კვლევის შედეგები, რასაც მოჰყვა მცირე ჯგუფებში აღნიშნული შედეგებისა და რეკომენდაციების განხილვა და ხარისხიანი მონაცემებზე ხელმისაწვდომობის გაუმჯობესების მიზნით პრიორიტეტებისა და შემდგომი ნაბიჯების განსაზღვრა.

ღონისძიება ჩატარდა საქართველოში დაბერებასთან დაკავშირებული პოლიტიკის მტკიცებულების ბაზის გაძლიერების მიზნით, მოსახლეობის დაბერების სახელმწიფო პოლიტიკისა და მასთან დაკავშირებული სამოქმედო გეგმების განხორციელებისა და მონიტორინგის ფარგლებში.

საქართველოში თითქმის ყოველი მეექვსე მოქალაქე 65 წელზე მეტი ასაკისაა.

მოსახლეობის დაბერება ზემოქმედებს საზოგადოების თითქმის ყველა ასპექტზე და მას შეუძლია მნიშვნელოვანი ცვლილებების გამოწვევა ეკონომიკაში, შრომის ბაზარსა და სოციალური დაცვის, განათლებისა და ჯანდაცვის სისტემებში. მონაცემთა ხელმისაწვდომობისა და საჭიროებების შეფასების მიზანია საქართველოში დაბერებასთან დაკავშირებული სტატისტიკისა და ადმინისტრაციული მონაცემების შეგროვებისა და აღრიცხვის პროცესის ხარისხის გაუმჯობესება“,-აღნიშნულია ინფორმაციაში.

ავტორი: ექსპრესნიუსი,

სოციალური ქსელები

ტრამპსა და ზელენსკის შეხვედრის შემდეგ, შესაძლოა Patriot-ის წარმოების ლიცენზია უკრაინას გადაეცეს

აშშ-ის სანქციების გამო, თურქეთმა ირანთან საავიაციო და საბანკო ურთიერთობების გაწყვეტა დაიწყო

ევროკავშირმა, საფრანგეთისა და ლუქსემბურგის ზეწოლის ქვეშ, უსმანოვისა და ფრიდმანის წინააღმდეგ სანქციები მოხსნა

გერმანიაში, ამერიკულ საჰაერო ბაზაზე თვითმფრინავი ჩამოვარდა, პილოტი კატაპულტირების შემდეგ გადარჩა