სირიის გარდამავალი მთავრობის ლიდერის, აჰმედ ალ-შარაა აცხადებს, რომ სირია ცდილობს, მოთმინებითა და სიბრძნით უპასუხოს ისრაელის ქმედებებს.

„ვცდილობთ მოთმინებას და სიბრძნეს მივმართოთ, რამდენადაც ეს შესაძლებელია. თუ არსებობს შეშფოთებები, ჩვენ თავიდანვე განვაცხადეთ, რომ სირია არ წარმოადგენს საფრთხეს არცერთი სახელმწიფოსთვის რეგიონში ან მსოფლიოში. თუ არსებობს ექსპანსიონისტური მოტივები, ამ შემთხვევაში მთელი მსოფლიო თანხმდება სირიასთან და გმობს ისრაელის ქმედებებს სირიის ტერიტორიაზე“, – განაცხადა ალ-შარამ.

სირიის გარდამავალი მთავრობის ლიდერი ასევე უარყოფს ისრაელის ბრალდებებს, რომ სირიის ახალი მთავრობა საფრთხეს წარმოადგენს ისრაელისთვის.

როგორც „როიტერი“ წერს, ისრაელმა საზღვრის გასწვრივ ბუფერული ზონა დაიკავა და სამხრეთ სირიის დემილიტარიზების პირობა დადო. პარალელურად კი, ინტენსიურად ახორციელებდა სირიის არმიის იარაღის საწყობების დაბომბვას. ისრაელში ალ-შარაას „ალ-ქაიდას“ ტერორისტად მოიხსენიებენ.

„ილუზიებში მყოფმა ადამიანმა, შესაძლოა, ნებისმიერი რამ თქვას. ნებისმიერს შეუძლია წარმოიდგინოს, რომ მას საფრთხე ემუქრება და განახორციელოს წინმსწრები დარტყმები და დახოცოს ხალხი, მაგრამ ამას გამართლება ვერ ექნება“, – აღნიშნა ალ-შარაამ.

ავტორი: ექსპრესნიუსი,

სოციალური ქსელები

სიორიძე - ძლიერი საქართველო - ლელო საკონსტიტუციოში პარტიების აკრძალვის პროცესზე იქნება წარმოდგენილი

აღმოაჩინე საქართველოს ბანკის განათლების პროგრამები და ისწავლე უფასოდ - განაცხადების მიღება დაიწყო

CNN: თუ აშშ ირანზე თავდასხმებს განაახლებს, შესაძლოა, „ყველა ბომბის დედა“ გამოიყენოს

თეთრი სახლი უარყოფს მონაწილეობას უკრაინაში Starlink-ის შეზღუდვებთან დაკავშირებით - Axios