2025-03-11 18:22:44, 635 ნახვა
მსოფლიო
მაიკ უოლცი აშშ-ისა და უკრაინის დელეგაციებს შორის მოლაპარაკებებზე - „მიზნისკენ მივდივართ“
მიზნისკენ მივდივართ, – ასე უპასუხა აშშ-ის პრეზიდენტის მრჩეველმა, მაიკ უოლცმა ჟურნალისტების შეკითხვას შესვენებაზე, როგორ მიმდინარეობს მოლაპარაკებები აშშ-ისა და უკრაინის დელეგაციებს შორის.
„სიენენის“ ინფორმაციით, ამ მოკლე განცხადების შემდეგ, მაიკ უოლცი და აშშ-ის სახელმწიფო მდივანი მარკო რუბიო ლიფტში შევიდნენ.
აშშ-ის მთავრობის წარმომადგენლებს მეტი არაფერი უთქვამთ შეხვედრაზე, რომელიც უკვე მეხუთე საათია, მიმდინარეობს.
მანამდე, უკრაინულმა მედიამ დაწერა, რომ უკრაინის წარმომადგენლები ზღვაზე ცეცხლის შეწყვეტის და შორ მანძილზე დარტყმების შეჩერების ინიციატივას წარადგენენ.
ასევე ვრცელდება ინფორმაცია, რომ უკრაინა მზად არის, ხელი მოაწეროს ხელშეკრულებას მინერალებზე ამერიკულ დელეგაციასთან შეხვედრის დროს.
ავტორი: ექსპრესნიუსი,
epn.ge (@expressnews.ge)
