თსუ-ში სტუდენტებსა და დაცვის თანამშრომლებს შორის ფიზიკური დაპირისპირება მოხდა

2016-03-10 18:34:44, 570 ნახვა

საზოგადოება

თბილისის სახელმწიფო უნივერსიტეტში ერთმანეთს სტუდენტები და უნივერსიტეტის დაცვის თანამშრომლები დაუპირისპირდნენ.

დაპირისპირება მას შემდეგ დაიწყო, რაც უნივერსიტეტში მისულმა სტუდენტებმა სხდომაზე სენტაის სხდომაზე დასწრება ითხოვეს. დაცვის თანამშრომლებმა ამის საშუალება არ მისცეს.

უკვე საათნახევარია, რაც სტუდენტებს პარალიზებული აქვთ დარბაზის კარი, სადაც სენატის სხდომა უნდა გამართულიყო. სტუდენტების განცხადებით, ისინი არ აპირებენ სენატის წევრების დარბაზში შეშვებას. ადგილზე მობილიზებულია პოლიციაც.

სტუდენტების განცხადებით მათ სურთ კონსტრუქციული საუბარი.

„არ გვიშვებენ როდესაც გვსურს კონსტრუქციული საუბარი. ჩვენზე ხორციელდება ძალადობა, დაცვას მოვუწოდებ თქვენ უნდა აირჩიოთ სწორი მხარე,“ - განაცხადეს აქციის მონაწილეებმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან