მამუკა ხაზარაძე იმდენად უსამშობლოა, რომ საკუთარ უსამშობლობასაც ვერ ხვდება და ღიად საუბრობს, რომ ის მოქმედებს არა საქართველოს ინტერესებით, არამედ სხვა ქვეყნების, პოლიტიკური თუ ეკონომიკური ჯგუფების ინტერესებით, – ამის შესახებ საქართველოს პარლამენტის თავმჯდომარე შალვა პაპუაშვილმა ჟურნალისტებს განუცხადა.

პაპუაშვილმა კომენტარი გააკეთა „ლელო – ძლიერი საქართველოს“ ლიდერის, მამუკა ხაზარაძის განცხადებაზე, რომ „ანაკლიის პროექტში უნდა დაბრუნდნენ ამერიკული კომპანიები და მხოლოდ მათი ჩართულობითაა შესაძლებელი ანაკლიის საუკუნის პროექტის განხორციელება“.

პაპუაშვილის თქმით, მამუკა ხაზარაძეს და მისნაირ თაღლითებს რომ უცხოელების მხრიდან აქვთ მიცემული გასაქანი ქართულ პოლიტიკაში, ამიტომაც ვხედავთ, რომ უცხო ქვეყნების, პოლიტიკური, თუ ეკონომიკური ჯგუფების ინტერესები არის წარმოდგენილი დღეს ოპოზიციაში.

„საქართველოს ხელისუფლება არ მოქმედებს არც აშშ-ის, არც რუსეთის, არც ჩინეთის, არც გერმანიის, თუ საფრანგეთის ინტერესებით. საქართველოს ხელისუფლება მოქმედებს ერთადერთი, ქართველი ხალხის ინტერესებით. ეს არის ამოსავალი წერტილი. მამუკა ხაზარაძეს და მისნაირ თაღლითებს, რომლებსაც დღესაც 600 000 დოლარი აქვთ ჩასარიცხი საქართველოს ბიუჯეტში, ამ თაღლითებს რომ აქვთ უცხოელების მხრიდან გასაქანი მიცემული ქართულ პოლიტიკაში, ამიტომაც ვხედავთ, რომ უცხო ქვეყნების, პოლიტიკური, თუ ეკონომიკური ჯგუფების ინტერესები არის წარმოდგენილი დღეს ოპოზიციაში.

ამიტომ, ეს ფროიდისეული წამოცდენა არის ხაზარაძის მხრიდან. რაც მას გულში უდევს, ის გვაჩვენა. ის სინამდვილეში ყველა საკითხს უყურებს არა ისე, რა ინტერესი აქვს ხალხს, არამედ რა ინტერესი აქვთ სხვადასხვა ქვეყანას. ნებისმიერ საკითხთან დაკავშირებით, იქნება ეს პოლიტიკური, თუ ეკონომიკური, ჩვენ, პირველ ყოვლისა, ამოვდივართ ქართველი ხალხის ეროვნული ინტერესით და სადაც ჩვენი ხალხის ეროვნული ინტერესი ემთხვევა სხვა ქვეყნების ეკონომიკური, თუ პოლიტიკური ჯგუფების ინტერესებს, იქ დგება ალიანსები და თანამშრომლობა. ეს არის ჩვენი ამოსავალი წერტილი“, – განაცხადა შალვა პაპუაშვილმა.

ავტორი: ექსპრესნიუსი,

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს